पीएम सुरुज घर योजना ले ओमप्रकाश उपाध्याय ल मिलीस ऊर्जा स्वतंत्रता

रायपुर, भारत सरकार कोति ले शुरू करे गए ‘‘पीएम सुरुज घर: मुफ्त बिजली योजना’’ के उद्देश्य देश के आवासीय घर मन ल अपन बिजली खुद उत्पन्न करे बर सशक्त बनाना हे। ए महत्वाकांक्षी योजना के तहत 3 किलोवाट तक के सोलर रूफटॉप सिसटम म सब्सिडी घलोक प्रदान करे जात हे। एखर अंतर्गत केन्द्र सरकार कोति ले 78 हजार अउ राज्य सरकार कोति ले 30 हजार रूपिया तक के सब्सिडी देहे जात हे। जेखर से नागरिक मन ल आर्थिक रूप ले राहत मिलत हे अऊ अक्षय ऊर्जा ल बढ़ावा घलोक मिलत हे।
ए योजना के प्रत्यक्ष लाभ उठात सतपता, विश्रामपुर के निवासी ओमप्रकाश उपाध्याय ह अपन घर के छत म 3 किलोवाट क्षमता के सौर पैनल सिसटम स्थापित कराए हे। वो ह 7 मार्च 2025 के योजना बर ऑनलाइन आवेदन करे रहिस, जेखर बाद डिस्कॉम के पंजीकृत वेंडर ह सिसटम लगाइस।
उपाध्याय  के मुताबिक, वोखर घर म रोज़ाना लगभग 12 ले 13 यूनिट बिजली के खपत होथे, जबकि ओखर सोलर सिसटम 17 ले 19 यूनिट प्रतिदिन बिजली उत्पन्न करथे। एखर से ओखर बिजली बिल न केवल शून्य हो गए हे बल्कि माइनस म चलत हे, जेखर से ओ ल हर महीना क्रेडिट यूनिट के लाभ घलोक मिलत हे।
ओ ह कहत हे, योजना सही म आम जनता बर एक वरदान हे। हर परिवार ल एकर लाभ जरूर लेना चाही। एखर से न केवल बिजली के खरचा ले मुक्ति मिलत हे, बल्कि पर्यावरण के रक्षा म घलोक हर मनखे अहम योगदान दे सकत हे।