बिजली बिल शून्य, आय म बढ़ोतरी: पीएम सूर्य घर योजना बनिस आमजन बर वरदान

बलौदाबाजार , प्रधानमंत्री सूर्य घर मुफ्त बिजली योजना आम नागरिक मन बर वरदान साबित होवत हे बलौदाबाजार शहर के सदर रोड निवासी राजेश केशरवानी ह ए योजना के लाभ उठाके अपन घर के छत म 3 किलोवाट क्षमता के सौर ऊर्जा संयंत्र स्थापित करे हे अब ओ ल बिजली के बिल नइ भरना परय। केशरवानी के बताती ए योजना के जानकारी ओ ल सोशल मीडिया अऊ समाचार पत्र ले मिलिस, जेखर बाद ओ ह बिजली विभाग ले संपर्क करके जरूरी मार्गदर्शन लीन।
श्री केशरवानी ल सोलर सिस्टम के स्थापना बर 78,000 रूपिया के सब्सिडी मिलिस, पाछ छै महीना ले ये सिस्टम ह बिना रुकावट के काम करत हे। वो ह बताइस के पहिली वोला ल हर महिना 2000 ले 2500 तक के बिजली बिल भरना परत रहिस, फेर अब वोकर बिजली बिल लगभग शून्य हो गे हे। वो ह कहिस के ए योजना न केवल आर्थिक रूप ले, बल्कि पर्यावरण के दृष्टि ले घलो बेहद लाभकारी हे। वो ह जिला के नागरिक मन ले ए योजना के लाभ उठाके बचत करे, बल्कि हर महिना के बिजली आय म घलोक सकारात्मक योगदान करे के अपील करिन।
श्री केशरवानी ह प्रधानमंत्री श्री नरेन्द्र मोदी अऊ मुख्यमंत्री श्री विष्णु साय देव के प्रति आभार व्यक्त करत कहिन के ए योजना आम जन के जीवन म वास्तविक बदलाव लावत हे अऊ देश ल ऊर्जा आत्मनिर्भरता के तरफ अग्रसर करत हे।