दुलेराम पटेल ह सौर ऊर्जा अपनाके बिजली बिल ले पाइस मुक्ति

रायगढ़, प्रधानमंत्री सुरुज घर मुफ्त बिजली योजना के असर अब ग्रामीण अंचल मन म घलोक स्पष्ट रूप ले देखाइ देहे लगे हे। रायगढ़ जिला के ग्राम गुढ़गहन के रहवइया श्री दुलेराम पटेल ह ए योजना के अंतर्गत अपन घर के छत म 3 किलोवाट क्षमता के रूफटॉप सोलर पैनल स्थापित करे हे।
मई महिना म वोखर सोलर पैनल ले 165 यूनिट बिजली के उत्पादन होइस, जेखर से ओ ल 678 रूपिया के सब्सिडी मिलीस। जून महिना म 171 यूनिट उत्पादन ले 814 रूपिया के छूट मिलीस अऊ ओखर बिजली बिल पूरा शून्य हो गे। श्री पटेल ह बताइस के सौर ऊर्जा ले वोला आर्थिक बचत होवत हे संगेच पर्यावरण संरक्षण म घलोक योगदान संभव होवत हे।
प्रधानमंत्री सौर ऊर्जा योजना के उद्देश्य हर एक परिवार ल स्वच्छ अऊ नवीकरणीय ऊर्जा के माध्यम ले आत्मनिर्भर बनाना हे। ग्रामीण उपभोक्ता मन ह ए योजना के लाभ उठाके नवा मिसाल कायम करत हें, जेखर से आन मनखे घलोक सौर ऊर्जा अपनाए बर प्रेरित होवत हें।
मुख्यमंत्री श्री विष्णु देव साय के कहना हे के सौर ऊर्जा योजना ले ग्रामीण परिवार आत्मनिर्भर बनत हें। राज्य सरकार हर पात्र परिवार तक ए योजना के लाभ पहुँचाए बर प्रतिबद्ध हे।