सस्ता, सुलभ अऊ बेहतरीन विद्युत आपूर्ति के माध्यम बनिस प्रधानमंत्री सुरुज घर मुफ्त बिजली योजना

किसान बसंत लाल साहू बर फायदेमंद साबित होवत हे सौर ऊर्जा के बिजली
बालोद, प्रधानमंत्री सुरुज घर मुफ्त बिजली योजना नीचले वाले अऊ मध्यम तबका के बहुत अकन हितग्राही मन अऊ आम नागरिक मन बर सस्ता, सुलभ अऊ बेहतरीन विद्युत आपूर्ति के माध्यम बन गए हे। कम खरचा म बेहतर विद्युत व्यवस्था उपलब्ध कराए के दृष्टि ले शुरू करे गए प्रधानमंत्री सुरुज घर मुफ्त बिजली योजना केन्द्र सरकार के मंशानुरूप हितग्राही मन अऊ आम नागरिक मन बर बहुत कारगर अऊ बहुपयोगी साबित होवत हे। ए योजना के फलस्वरूप केन्द्र अऊ राज्य शासन के सहयोग ले बहुत ही कम लागत म अपन घर म 03 किलोवॉट के सोलर पावर प्लांट लगाय के बाद अभी हाल म ओला मिलत बेहतरीन सुविधा ले बालोद जिला के गुरूर विकासखण्ड के ग्राम पलारी के किसान श्री बसंत लाल साहू ह ए योजना ल बिकट सहरावत हे।
किसान बसंत लाल ह बताइस के अपन घर म सोलर प्लेट लगाय के बाद बहुतेच कम खरचा म बेहतर सुविधा मिले ले प्रधानमंत्री सुरुज घर मुफ्त बिजली योजना बहुत किफायती अऊ फायदेमंद साबित होवत हे।  प्रधानमंत्री सुरुज घर मुफ्त बिजली योजना के अंतर्गत अपन घर म सोलर प्लेट लगाय के पहिली परपंरागत माध्यम ले बिजली के उपयोग करे म सोलर प्लेट के तुलना म बहुत जादा लागत आवय रहिस। फेर अपन घर म सोलर प्लेट लगाय के बाद ओला बहुतेच कम खर्च म बेहतर विद्युत सुविधा प्राप्त होवत हे। 03 मार्च 2025 के वोखर घर म सोलर पैनल लगिस। सोलर प्लेट लगाय बर कुल 01 लाख 40 हजार रूपिया के राशि जमा करे गए रहिस। ओ ल केन्द्र सरकार से कुल 78 हजार रूपिया अऊ राज्य सरकार के 30 हजार रूपिया के अनुदान घलोक मिलिस। आज वोखर घर म सोलर प्लेट लगे ले पंखा, कूलर के उपयोग अऊ पेयजल आपूर्ति अऊ समुचित मात्रा म प्रकाश व्यवस्था बर बहुत अऊ निर्बाध विद्युत आपूर्ति ठउका होवत हे।
किसान श्री बसंत लाल साहू ह कहिन के ए केन्द्र अऊ राज्य सरकार के जनहितैषी योजना के फलस्वरूप वोखर घर म सोलर प्लेट लगे ले ओला बहुतेच कम खर्च म बेहतर अऊ कारगर विद्युत सुविधा प्राप्त होवत हे।  वो ह आम जनता के हित म ए योजना ल शुरू करके किफायती दर म विद्युत व्यवस्था देहे बर प्रधानमंत्री श्री नरेन्द्र मोदी के अगुवई वाले भारत सरकार अऊ मुख्यमंत्री श्री विष्णु देव साय के राज्य सरकार के प्रति विनम्र आभार व्यक्त करत ओ मन ल हृदय ले धन्यवाद देहे हे।