योगेंद्र सिंह साहू के घर होवत हे रोशन, बिजली बिल होइस शून्य

प्रधानमंत्री सूर्यघर मुफ्त बिजली घर योजना ले 
जांजगीर, प्रधानमंत्री सूर्यघर मुफ्त बिजली योजना ह आम नागरिक मन के जीवन ल नवा दिशा देहे हे। अब मनखे मन अपन घर के छत म सौर ऊर्जा ले बिजली उत्पन्न करके घर के बिजली के जरूरत मन ल पूरा करत हे। उकर संगेच अकतहा बिजली ल ग्रिड म भेजके कमई के साधन घलोक बनावत हें। ए योजना ह उपभोक्ता मन म बिजली बिल के बोझा ल कम करके आर्थिक बचत अऊ पर्यावरण संरक्षण दुनों के मार्ग प्रशस्त करे हे।
जांजगीर के हसदेव विहार कालोनी के रहवइया योगेंद्र सिंह साहू प्रधानमंत्री सूर्यघर मुफ्त बिजली योजना के लाभार्थि मन म ले एक हे। वो ह अपन घर के छत म 3 किलोवाट क्षमता के सोलर सिसटम स्थापित करे हे। एखर बर ओ ल शासन ले सब्सिडी घलोक प्राप्त होए हे। साहू के बताती पहिली वोखर हर महीना बिजली बिल 4 हजार ले 5 हजार रुपिया तक आवत रहिस, जेखर से परिवार के बजट प्रभावित होत रहिस। फेर सोलर सिसटम लगे के बाद ले ओखर बिजली बिल पूरा शून्य हो गए हे।
प्रधानमंत्री सूर्यघर मुफ्त बिजली योजना के अंतर्गत उपभोक्ता मन ल कम ब्याज दर म करजा अऊ सब्सिडी देहे जात हे। योगेन्द्र सिंह साहू ह प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करत कहिस के ये योजना सही म दूरदर्शी अऊ आम जनता बर उपयोगी साबित होवत हे। वो ह आन नागरिक मन ले घलोक ए योजना के जादा ले जादा लाभ उठाए के अपील करे हें।