अमरजीत सिंह के घर सूरूज के परताप ले होइस अंजोर

सोलर पैनल लगाय के बाद बिजली बिल शून्य, अकतहा बिजली ग्रिड ल भेजत हे
योजना ले घटिस उपभोक्ता मन के खरचा, सौर संयंत्र म मिलत हे सब्सिडी
जांजगीर, प्रधानमंत्री सूर्यघर मुफ्त बिजली योजना आम जनजीवन म सकारात्मक बदलाव लावत हे। ए योजना के अंतर्गत मनखे अपन घर के छत म सोलर पैनल लगाके हर महीना 300 यूनिट तक मुफ्त बिजली प्राप्त करत हें। योजना के तहत उपभोक्ता मन ल कम ब्याज दर म ऋण के संगें-संग 30 हजार ले 78 हजार रूपिया तक के अनुदान राशि घलोक देहे जात हे।
जांजगीर जिला के चांपा निवासी अमरजीत सिंह सलूजा ए योजना ले लाभान्वित होवइया मन म एक हें। उमन अपन घर के छत म 3 किलोवाट क्षमता के सोलर सिसटम स्थापित करवाए हें, जेन म ओ मन ल शासन कोति ले 78 हजार रूपिया के सब्सिडी मिले हे। सलूजा ह बताइस के सोलर सिसटम लगाय के पहिली ओखर बिजली बिल अड़बड़ आत रहिस, जेखर से ओखर घरेलू बजट प्रभावित होत रहिस। फेर अब सोलर पैनल लगे के बाद ओखर बिजली बिल पूरा शून्य हो गए हे, अको पइसा नी आवे।
वो ह बताइस के ए योजना ले न केवल आर्थिक बचत होवत हे, बल्कि बिजली कटौती के समस्या ले घलोक छुटकारा मिले हे। वो ह प्रधानमंत्री सूर्यघर योजना ल “एक पंथ दो काज” के संज्ञा देवत कहिस के एखर से न केवल पर्यावरण ल लाभ होवत हे, बल्कि आमजन ल आर्थिक राहत घलोक मिलत हे।
सलूजा ह बताइस के अब चांपा म सोलर सिसटम ल लेके मनखे मन म जागरूकता अऊ विश्वास तेजी से बाढ़त हे। ओ खुदे मनखे मन ल ए योजना के जानकारी देके प्रेरित करत हे। वो ह प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करत कहिस के ये योजना आम जनता बर एक दूरदर्शी अऊ सशक्त कदम हे, जेन पर्यावरण संरक्षण अऊ आर्थिक समृद्धि दुनों म सहायक साबित होवत हे।