पीएम सूर्यआवास योजना बनिस आमजनता बर वरदान: स्वाति यादव के बिजली बिल होइस शून्य

रायपुर, प्रधानमंत्री सूर्यघर मुफ्त बिजली योजना आम नागरिक मन के जीवन म बदलाव ला वत हे। इही योजना के लाभ उठात जिला के अंतर्गत अवइया चौकी विकासखंड के गांव मेटेपार रहवइया श्रीमती स्वाति यादव ह अपन घर के छत म सोलन पैनल लगाके अपन घर ल ऊर्जा के क्षेत्र म आत्मनिर्भर बना लेहे हे। वो ह अपन मकान के छत म 2 किलोवॉट क्षमता के सोलर पैनल स्थापित करवाए हे, जेखर से अब ओखर बिजली बिल शून्य हो गए हे।
श्रीमती यादव ह बताइस के पहिली हर महिना 3000 रूपिया ले 3200 रूपिया तक बिजली बिल के भुगतान करना परत रहिस। फेर अब, ए योजना के बदौलत ओ ल पूरा राशि बचत के रूप म मिलत हे, जेखर से वोखर परिवार ल आर्थिक रूप ले बड़ राहत मिले हे। ए योजना के तहत ओ ल 78,000 रूपिया के अनुदान राशि (सब्सिडी) शासन कोति ले देहे गीस, जेखर से सोलर पैनल लगवाना वोखर बर आसान अऊ किफायती हो गीस। श्रीमती यादव ह बताइस, ये योजना न केवल हमार घर के ऊर्जा ज़रूरत मन ल पूरा करत हे, बल्कि ये पर्यावरण के संरक्षण म घलोक मददगार साबित होवत हे। हमार घर के बिजली बिल अब पूरा शून्य हो गए हे।
प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के प्रति आभार व्यक्त करत श्रीमती यादव ह कहिस के ये योजना जनसामान्य बर बहुत उपयोगी हे अऊ एखर लाभ हर परिवार ल उठाना चाही। जानबा हे कि प्रधानमंत्री सूर्यघर मुफ्तयोजना के उद्देश्य घर-घर सौर ऊर्जा ल बढ़ावा देना हे अऊ प्रदूषण मुक्‍त रखना हे। जेखर से देशवासी बिजली संकट ले राहत पाके ऊर्जा के क्षेत्र म आत्मनिर्भर बन सकंय। जिला म ए योजना ल प्रभावी ढंग ले लागू करे जात हे अऊ एखर सकारात्मक परिणाम धरातल म साफ़ देखे जात हे।