पर्यावरण होवत हे सुरक्षित, बिजली बिल म घलोक आवत हे कमी
धमतरी, प्रधानमंत्री सूर्यघर मुफ्त बिजली योजना के उद्देश्य देश के नागरिक मन ल सस्ता अऊ स्थायी ऊर्जा मुहैय्या कराना हे। ए योजना ले न सिरिफ हमर पर्यावरण सुरिक्षत होवत हे, बल्कि एखर मदद ले मनखे मन के घर म आवत जादा बिजली के बिल म घलोक कमी आए हे। धमतरी के तीर कोलियारी गांव के भूपेन्द्र ह बताइस के ओला प्रधानमंत्री सूर्यघर मुफ्त बिजली योजना के जानकारी समाचार पत्र-पत्रिका मन ले मिलीस। एखर बार म अऊ जादा जानकारी प्राप्त करे बर वो ह विद्युत विभाग के कार्यालय ले सम्पर्क करिस अउ योजना के लाभ लेहे खातिर आवेदन दीस। एकर पाछू एकेच महिना म ओखर सौर पैनल लग गे। ओ ह बताइस के वो ह तीन किलोवॉट के पैनल लगवाए हे, एखर से अब वोला बिलकुल बिजली बिल नइ पटाना परत हे।
प्रधानमंत्री सूर्यघर मुफ्त बिजली योजना सौर पैनल मन के माध्यम ले घरेलू उपयोग बर ऊर्जा उत्पन्न करे उपर जोर देथे। एखर से न केवल बिजली के कमी ल दूर करे जा सकही, बल्कि पर्यावरण म घलोक सकारात्मक प्रभाव परही। सस्ता बिजली योजना के तहत घरेलू उपभोक्ता मन ल सस्ता दर म बिजली उपलब्ध कराए के प्रावधान हे। ए योजना के तहत सौर पैनल इंस्टॉलेशन अऊ मेंटेनेंस बर स्थानीय स्तर म रोजगार के अवसर पैदा होही। योजना के एक आन लाभ हे के ये ग्रामीण क्षेत्र मन म बिजली के पहुंच बढ़ाए म मदद करही, जेखर से उहां के जीवनशैली म सुधार होही। सौर ऊर्जा के उपयोग न केवल पर्यावरण बर बल्कि आर्थिक दृष्टिकोण ले घलोक फायदेमंद हे।
प्रधानमंत्री सूर्यघर-मुफ्त बिजली योजना अंतर्गत स्थापित प्लांट नेट मीटरिंग से विद्युत ग्रिड ले संयोजित होही, जेखर से उपभोक्ता कोति ले अपन खपत ले जादा उत्पादित बिजली ग्रिड म सप्लाई हो जाही। एखर से न केवल उपभोक्ता के घर के बिजली बिल शून्य हो जाथे, बल्कि ग्रिड म देहे गए बिजली के एवज म अकतहा आय घलोक प्राप्त होथे। शासन कोति ले प्रधानमंत्री सूर्यघर-मुफ्त बिजली योजना अंतर्गत 30 हजार रूपिया ले 78 हजार रूपिया तक के सब्सिडी प्रति प्लांट देहे के प्रावधान हे। रूफटॉप सोलर संयंत्र के क्षमता मुताबिक लागत राशि अउ सब्सिडी अलग-अलग हे। उपभोक्ता कोति ले सोलर प्लांट के ब्रांड चयन करे जा सकत हे। 3 किलोवाट ले जादा क्षमता के प्लांट लगाय म 78 हजार रूपिया तक सब्सिडी के प्रावधान हे। प्रधानमंत्री सूर्यघर-मुफ्त बिजली योजना के लाभ लेहे बर आवेदक ल वेबसाईट या मोबाईल एप म पंजीयन करके लॉग ए आईडी प्राप्त करना होही। एखर बाद वेब पोर्टल म उपलब्ध वेंडर के चुनाव करके बिजली कर्मचारी के मदद ले वेब पोर्टल म पूरा आवेदन करना होही। निरधारित अनुबंध हस्ताक्षरित होए के बाद वेंडर कोति ले छत म प्लांट के स्थापना अउ डिस्कॉम से नेट मीटर स्थापित करे जाथे। स्थापित प्लांट के सत्यापन पश्चात शासन कोति ले सब्सिडी ऑनलाईन जारी कर दे जाथे। ए दौरान कहूं उपभोक्ता इच्छुक होही त शेष राशि के प्रकरण सात प्रतिशत ब्याज दर म बैंक ऋण बर बैंक ल जनसमर्थन पोर्टल कोति ले ऑनलाईन प्रेषित करे जात हे।
Prime Minister Suryaghar Free Electricity Scheme chhattisgarh
प्रधानमंत्री सूर्यघर मुफ्त बिजली योजना: भूपेन्द्र साहू ल बिजली बिल ले मिलत हे राहत
