हजारों रूपिया के बिजली बिल अब होइस कमती राजीव के छत म लग गए सोलर प्लांट

जांजगीर, प्रधानमंत्री श्री नरेंद्र मोदी कोति ले शुरू करे गए प्रधानमंत्री सूर्यघर मुफ्त बिजली योजना ह न केवल घर-घर म ऊर्जा आत्मनिर्भरता ल बढ़ावा देवत हे, बल्कि आमजनता ल महंगा बिजली बिल ले घलोक राहत देवात हे। जिला म बड़ संख्या म मनखे मन ए योजना ले लाभान्वित होवत हें अऊ सौर ऊर्जा कोति लउहे आगू बढ़त हें।
जिला के जांजगीर शहर के रहवइया श्री राजीव असाटी घलोक उन मनखे मन म सामिल हे जे ह ए योजना के लाभ उठाके अपन घर के छत म 4 किलोवाट क्षमता के सोलर रूफटॉप सिसटम लगवाए हे। पहिली ओ ल हर महीना हजारों रूपिया के बिजली बिल चुकाना परत रहिस, फेर अब ओखर महिना के बिजली बिल लगभग शून्य हो गए हे। एखर से ओ हर महीना अच्छा-खासा राशि के बचत करत हे। वो ह बताइस के ए सिसटम ल लगवाए म ओ ल सरकार कोति ले 78,000 रूपिया के सब्सिडी घलोक मिलिस, जेखर से लागत म काफी राहत मिलीस। ओखर मानना हे के ए योजना ले आम नागरिक मन के बिजली विभाग म निर्भरता कम होवत हे अऊ अघोषित विद्युत कटौती जइसे समस्या मन ले घलोक निजात मिलत हे। ओखर घर अब दिन म खुद के पैदा करे सौर ऊर्जा ले चलत हे, जेखर से ओखर बिजली तको बचत हे, संगेच पर्यावरण संरक्षण म घलोक योगदान होवत हे।
श्री असाटी ह प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के आभार व्यक्त करत कहिस के ये योजना आमजनता खातिर अड़बड़ लाभकारी हे अऊ सबो नागरिक मन ल एकर लाभ जरूर उठाना चाही। वो ह अपील करे हे के जादा ले जादा मनखे आगू आके ए योजना के लाभ लेवयं अऊ ऊर्जा के क्षेत्र म आत्मनिर्भर बनंय।