प्रधानमंत्री रोजगार सृजन कार्यक्रम ले मिलीस नवा उड़ान पुष्पा साहू बनिस आत्मनिर्भर

महासमुंद, जिला के विकासखण्ड के ग्राम भोरिंग के श्रीमती पुष्पा साहू ह प्रधानमंत्री रोजगार सृजन कार्यक्रम के माध्यम ले स्वरोजगार स्थापित करके आत्मनिर्भरता के मिसाल पेश करे हें। सिरिफ 10वीं तक पढ़े श्रीमती साहू ह स्टोन कटिंग अऊ पॉलिशिंग उद्योग म सफलता हासिल करके ये सिद्ध कर देहे हे के इच्छाशक्ति अऊ परिश्रम के बल म कोनो मनखे आर्थिक आत्मनिर्भरता के दिशा म आगू बढ़ सकत हे।
प्रधानमंत्री रोजगार सृजन कार्यक्रम के अंतर्गत प्रशिक्षण प्राप्त कर उमन खादी ग्रामोद्योग विभाग, जिला पंचायत महासमुंद के माध्यम ले करजा बर आवेदन करिस। प्रक्रिया पूरा होए के बाद कारपोरेशन बैंक, महासमुंद से ओ मन ल 35 प्रतिशत अनुदान म कुल 25 लाख रुपिया के राशि स्वीकृत करे गीस। पहिली चरण म 7 लाख रुपिया के राशि मशीन बिसाए बर देहे गीस अऊ उद्योग के प्रगति के मुताबिक बांचे राशि घलोक चरणबद्ध रूप ले जारी करे गीस।
साल 2017 म ज्योति स्टोन कटिंग अऊ पॉलिशिंग उद्योग के स्थापना करइया श्रीमती साहू अभी हाल म हर महिना 18 हजार रुपिया के बैंक किश्त जमा करत हे अऊ करीब 35 हजार रुपिया के मासिक आय अर्जित करत हे। एखर से वोखर आर्थिक स्थिति सुदृढ़ हो गए हे अऊ जीवन म स्थायित्व आए हे। श्रीमती साहू ह बताइस के ए योजना ले ओ ल नवा दिशा मिले हे। उमन कहिन के आज मैं अपन व्यवसाय के सहारा म आत्मनिर्भर हो गए हंव अऊ अपन परिवार के भरणपोषण करत हंव। मैं एखर बर केंद्र अऊ राज्य सरकार के आभारी हंव।