मुफत दुर्घटना बीमा योजना के तहत मछरी पलइया के आश्रित परिवार ला 5 लाख रूपिया के बीमा भुगतान
डीबीटी के माध्यम ले सीधा खाता मं पहुँचिस सहायता राशि, संकट के घड़ी मं मिलिस सहारा
रायपुर, प्रधानमंत्री मत्स्य संपदा योजना के तहत सामूहिक दुर्घटना बीमा योजना चलाए जात हे, जेमा मछरी पलइया मन ला 5 लाख तक के मुफत दुर्घटना बीमा, आंशिक विकलांगता मं 2.5 लाख, अउ अस्पताल के खरचा बर वित्तीय सहायता देहे जाथे। ए योजना के प्रीमियम केंद्र अउ राज्य सरकार मिलके भरथें।
दिवंगत श्री शंकरलाल के आश्रित परिवार ला 5 लाख रूपिया के बीमा सहायता राशि देहे गीस
बालोद, प्रधानमंत्री मत्स्य संपदा योजना के अंतर्गत संचालित मुफत दुर्घटना बीमा योजना मछरी पलइया अउ ओमन के परिवार मन बर कठिन हालत मं आर्थिक सुरक्छा के सुग्घर माध्यम बनत हे। इही योजना के तहत बालोद जिला के डौंडीलोहारा विकासखंड के गाँव कोरगुड़ा के रहइया दिवंगत श्री शंकरलाल के आश्रित परिवार ला 5 लाख रूपिया के बीमा सहायता राशि दे गे हे।
प्रधानमंत्री मत्स्य संपदा योजना के तहत दुर्घटना बीमा राशि 5 लाख रूपिया सीधा नॉमिनी के खाता मं हस्तांतरित
मत्स्य पालन विभाग के सहायक संचालक ह बताइन के स्वर्गीय श्री शंकरलाल के प्रधानमंत्री मत्स्य संपदा योजना के तहत दुर्घटना बीमा कराए गए रहिस। विभागीय काम पूरा होए के बाद ओकर नामिनी अउ घरवाली श्रीमती सुरेखा बाई के बैंक खाता मं डीबीटी (डायरेक्ट बेनिफिट ट्रांसफर) के माध्यम ले गो-डिजिट इंश्योरेंस कंपनी कोती ले 5 लाख रूपिया के बीमा राशि सीधा हस्तांतरित कते गीस। ए सहायता ले संकट के घड़ी मं परिवार ला बने आर्थिक संबल मिले हे।
मछरी पलइया मन ला सामाजिक सुरक्छा देवत हे योजना
प्रधानमंत्री मत्स्य संपदा योजना के तहत मछरी पलइया मन के मुफत दुर्घटना बीमा कराए जाथे। ए योजना के माध्यम ले पात्र हितग्राही मन ला राष्ट्रीय मत्स्य विकास बोर्ड (एनएफडीबी), हैदराबाद के सहयोग ले गो-डिजिट इंश्योरेंस कंपनी कोती ले बीमा दावा के भुगतान करे जाथे। योजना के नियम के मुताबिक बीमित मछरी पलइया के दुर्घटना मं मऊत होए मं 5 लाख रूपिया, स्थायी या अस्थायी दिव्यांगता के स्थिति मं 2.50 लाख रूपिया अउ दुर्घटना के कारन अस्पताल मं भरती होए मं 25 हजार रूपिया तक के सहायता राशि बीमित मनखे या ओकर नामिनी ला देहे जाथे।
मछरी पलइया परिवार मन बर सुरक्छा कवच
मत्स्य पालन विभाग ह बताइस के ए योजना के उद्देस मछरी पालन ले जुड़े परिवार मन ला अचानक दुर्घटना के स्थिति मं आर्थिक सुरक्छा देहे अउ ओमन के जिंदगी बिताये ला सहारा देहे के हे। प्रधानमंत्री मत्स्य संपदा योजना के माध्यम ले मछरी पलइया मन ला सामाजिक सुरक्छा के मजबूत आधार मिलत हे, जेकर से उमन जादा बिस्वास अउ आत्मनिर्भरता के संग मछरी पालन काम मन ले जुड़त हे।
