प्रधानमंत्री सुरुज घर मुफ्त बिजली योजना ले आत्मनिर्भर बनिस रायगढ़ जिला के प्रदीप साहू

ऊर्जा उत्पादक बनके करत हे आर्थिक बचत, आन उपभोक्ता मन बर बनिस प्रेरणा
रायगढ़, प्रधानमंत्री सुरुज घर मुफ्त बिजली योजना आम उपभोक्ता मन बर ऊर्जा आत्मनिर्भरता अऊ आर्थिक सशक्तिकरण के सशक्त माध्यम सिद्ध होवत हे। रायगढ़ जिला के किरोड़ीमल नगर के रहवइया श्री प्रदीप साहू ए योजना के सफल लाभार्थी हे। कभू भारी-भरकम बिजली बिल के सेती आर्थिक तंगी के सामना करइया श्री साहू आज खुद ऊर्जा उत्पादक बन गे हे।
प्रधानमंत्री सुरुज घर मुफ्त बिजली योजना के तहत वो ह अपन मकान के छत म 3 किलोवाट क्षमता के रूफटॉप सोलर पैनल स्थापित कराए हे। एखर परिणामस्वरूप ओ ल बिजली बिल के झंझट ले मुक्ति मिले हे, संगेच अकतहा ऊर्जा उत्पादन ले आर्थिक लाभ घलोक होवत हे।
जून 2025 म वोखर सोलर पैनल ले 285 यूनिट बिजली के उत्पादन होइस, जेखर से ओ ल 398 रूपिया के छूट प्राप्त होइस अऊ ओखर बिजली बिल 165 रूपिया ऋणात्मक आइस। अइसनहे जुलाई 2025 म 239 यूनिट उत्पादन ले 352 रूपिया के छूट प्राप्त होइस अऊ बिल 148 रूपिया ऋणात्मक रहिस। ए प्रकार सरलग दू महीने म श्री साहू ल बिजली बिल चुकाए के बजाय अकतहा उत्पादन बर क्रेडिट प्राप्त होइस।
श्री प्रदीप साहू जिला के आन उपभोक्ता मन के बर प्रेरणास्रोत हे। ओखर कहना हे के ए योजना ह ओ ल ऊर्जा आत्मनिर्भरता कोति आगू बढ़ाए हे अऊ घरेलू अर्थव्यवस्था ल मजबूती देहे हे। संगेच, सौर ऊर्जा अपनाए ले पारंपरिक ऊर्जा उत्पादन म निर्भरता कम होवत हे अऊ कार्बन उत्सर्जन म घलोक कमी आवत हे। प्रधानमंत्री श्री नरेन्द्र मोदी के हरित ऊर्जा अऊ आत्मनिर्भर भारत के संकल्प ल आगू बढ़ाए म प्रधानमंत्री सुरुज घर मुफ्त बिजली योजना महत्वपूर्ण भूमिका निभावत हे।