प्रधानमंत्री जीवन ज्योति योजना ले श्रीमती सोमड़ी पोड़ियाम ल मिलीस आर्थिक संबल

जरूरतमंद परिवार मन बर सहारा बनत हे प्रधानमंत्री जीवन ज्योति बीमा योजना
दंतेवाड़ा, प्रधानमंत्री जीवन ज्योति योजना सही मायने म जरूरतमंद परिवार मन बर आर्थिक संबल उपलब्ध करावत हे। परिवार के मुखिया के आकस्मिक निधन होए म उंखर आश्रित मन ल आर्थिक मदद उपलब्ध कराए म जरूरतमंद परिवार मन बर सहारा बनत जात हे। प्रधानमंत्री जीवन ज्योति बीमा योजना के अंतर्गत दंतेवाड़ा जिला के ग्राम मेटापाल के रहवइया मृतक देवा पोड़ियाम के पत्नी श्रीमती सोमड़ी पोडियाम ल 2 लाख रूपिया के बीमा राशि देहे गीस।
जानबा हे कि प्रधानमंत्री जीवन ज्योति बीमा योजना पात्र परिवार मन ल मात्र 436 रूपिया वार्षिक प्रीमियम म 2 लाख रूपिया के जीवन बीमा कवच उपलब्ध कराथे, जेन संकट के घड़ी म सहारा बनथे। ए कड़ी में  देवा पोडियाम के निधन 20 मार्च 2025 के हो गए रहिस। एखर चलते ओखर परिजन मन जरूरी कागद 21 अगस्त 2025 के बैंक म जमा करे रहिन, जेखर बाद दंतेवाड़ा जिला के बैंक ऑफ बड़ौदा मेटापाल शाखा के माध्यम ले 1 सितमबर 2025 ल बीमा राशि सीधा वोखर खाता म अंतरित करे गीस। संगेच ए अवसर म वित्तीय जागरूकता कार्यक्रम के आयोजन करे गीस। जेमां बीमा राशि के डेमो चेक नॉमिनी पत्नी श्रीमती सोमड़ी पोड़ियाम अऊ पुत्री पांडो पोड़ियाम ल देहे गीस।
प्रधानमंत्री जीवन ज्योति बीमा योजना  (PMJJBY) भारत सरकार कोति ले 2015 म शुरू करे गए एक जीवन बीमा योजना हे जेन 18 ले 50 साल के आयु के बैंक खाताधारक मन के मृत्यु होए म 2 लाख के बीमा कवर देथे। एकर सालाना प्रीमियम 436 रूपिया हे, जेन बैंक खाता ले अपन आप कट जाथे अऊ ये कवर हर साल नवीनीकृत होथे।