महासमुंद : प्रधानमंत्री मातृ वंदना योजना के लाभ ले सुपोषित होइस कान्हा

जिला म कुल 11 हजार 557 माता मन ल कुल राशि 4 करोड़ 11 लाख 88 हजार रूपिया के सहायता

महासमुंद, प्रधानमंत्री मातृ वंदना योजना केंद्र शासन कोति ले गर्भवती अउ शिशुवती महिला मन ल अपन अऊ अपन लइका के स्वास्थ्य के देखभाल अऊ ए अवस्था म मजदूरी राशि के भरपाई होए ए उद्देश्य ले ये योजना चालू करे गए हे। कलेक्टर श्री विनय लंगेह के मार्गदर्शन अऊ जिला कार्यक्रम अधिकारी श्री समीर पांडे के अगुवई म जम्‍मो पात्र महिला मन के विशेष अभियान चलाके उमन ल योजना ले लाभान्वित करे जात हे। जिला महिला अउ बाल विकास अधिकारी श्री अजय साहू ह बताइस के योजना म अब तक पहिली प्रसव वाले पंजीकृत 8534 म ले 7050 लाभान्वित अउ दूसर प्रसव बालिका के रूप म पंजीकृत 3180 म ले 2756 बालिका मन ल लाभान्वित करे गए हे। ए प्रकार जिला म कुल 11 हजार 557 माता मन ल कुल राशि 4 करोड़ 11 लाख 88 हजार रूपिया के राशि के भुगतान करे गए हे। ए योजना ले प्राप्त राशि के उपयोग माता मन स्वस्थ्य अउ निरोगी लइका जन्म लवय एखर बर करत हें।

एकीकृत बाल विकास परियोजना पिथौरा के ग्राम ’’राजा डेरा’’ के रहवइया ’’रोशनी यादव’’ के जीवन म एक महत्वपूर्ण बदलाव तब आइस, जब ओ ह पहली पइत गर्भवती होए के सुखद अनुभव पाइस। ए नवा सफर ल आसान अऊ सुरक्षित बनाए म आंगनवाड़ी कार्यकर्ता नूरा ठाकुर अऊ ’’प्रधानमंत्री मातृ वंदना योजना’’ के अहम भूमिका रहीस। गर्भवती होए के बाद, नूरा ठाकुर ह रोशनी के ’’आंगनवाड़ी म पंजीकरण’’ करिस अऊ सबो ’’स्वास्थ्य सेवा उपलब्ध’’ कराईस। गर्भावस्था के समय ज़रूरी ’’टीकाकरण’’ सुनिश्चित करे गीस, जेखर से वो स्वस्थ बने रहिस। जब नूरा ह रोशनी ल बताइस के पहली पइत गर्भवती होए म वो ’’प्रधानमंत्री मातृ वंदना योजना’’ के पात्र हे, त रोशनी ह तुरंत आवेदन कर दीस। कुछ ही दिन म योजना के तहत 3,000 रूपिया के पहली किस्त वोखर ’’बैंक खाता’’ म जमा हो गे।

आंगनवाड़ी कार्यकर्ता ह रोशनी ल सलाह दीस के वो ए राशि ले ’’पोषण पेटी’’ तैयार करय, जेमां ’’चना, गुड़, तिल, फल्लीदाना, अऊ फल’’ जइसे पौष्टिक आहार सामिल होही। रोजाना ए चीज मन के सेवन करे ले रोशनी के ’’हीमोग्लोबिन स्तर 11 ग्राम’’ हो गे, जेखर से वो गर्भावस्था के समय हमेशा ऊर्जावान अऊ स्वस्थ रहीस। नौ महीना के बाद, रोशनी ह ’’नॉर्मल डिलीवरी’’ के संग ’’3 किलो 700 ग्राम’’ के स्वस्थ ’’बच्चा कान्हा’’ ल जन्म दीस। माँ अऊ लइका दुनों स्वस्थ रहिन, अऊ ये वोखर सही पोषण अऊ समय म करे गए देखभाल के नतीजा रहिस। लइका के साढ़े तीन महिना के टीकाकरण पूरा होए के बाद, रोशनी ल ’’प्रधानमंत्री मातृ वंदना योजना’’ के दुसरा किस्त’’ के रूप म 2,000 रूपिया अऊ मिलीस। ए राशि के सही उपयोग ल सुनिश्चित करे बर ’’परियोजना अधिकारी पिथौरा अऊ पर्यवेक्षक’’ ह रोशनी के घर जाके ओला फेर ’’पोषण पेटी’’ तैयार करे बर प्रेरित करिस। पोषण पेटी अऊ नियमित स्वास्थ्य सेवा के फायदा उठात, आज रोशनी अऊ ओखर बेटा दुनों ही ’’स्वस्थ अऊ निरोगी’’ हे।