प्रधानमंत्री राष्ट्रीय डायलिसिस कार्यक्रम के अंतर्गत स्वास्थ्य विभाग अऊ इंडियन आयल कारपोरेशन के बीच एमओयू

रायपुर, प्रधानमंत्री राष्ट्रीय डायलिसिस कार्यक्रम के अंतर्गत आज स्वास्थ्य अउ परिवार कल्याण विभाग, इंडियन आयल कारपोरेशन अउ फेयरफैक्स इंडिया चौरिटेबल फाउंडेशन ह एक एमओयू म हस्ताक्षर करे हे। ए एमओयू के अनुसार स्वास्थ्य विभाग ल इंडियन आयल कारपोरेशन के साथ अगले एक महिना म 39 डायलिसिस मशीन प्राप्त होही। स्वास्थ्य विभाग ल ये मशीन निःशुल्क प्राप्त होही अउ ए मरम्मत व देखरेख फेयरफैक्स इंडिया चौरिटेबल फाउंडेशन के संग करे जाही।
जानबा हे कि स्वास्थ्य मंत्री श्री श्याम बिहारी जायसवाल के निर्देशन म आयुक्त सह संचालक स्वास्थ्य सेवाएं श्री रितुराज रघुवंशी ह ए एमओयू म आज हस्ताक्षर करे हे। नवा मशीन के मिले ले डायलिसिस करवइया मरीज मन ल सहूलियत मिलही। स्वास्थ्य विभाग के अनुसार ये डायलिसिस मशीन नवा गठित जिला मन मे अउ वोगा मन म स्थापित करे जाही जिहां डायलिसिस के मशीन जुन्ना हे अउ मरीज मन के संख्या जादा हे।
स्वास्थ्य मंत्री श्री श्याम बिहारी जायसवाल ह एमओयू ल राज्य हित म सार्थक करार देवत कहिन के स्वास्थ्य के क्षेत्र म नवा मशीन के उपस्थिति ले जांच अऊ इलाज म तेजी आही। उमन कहिन के राज्य के मुख्यमंत्री श्री विष्णुदेव साय के मार्गदर्शन म स्वास्थ्य सुविधा मन म विस्तार ल लेके लगातार काम करे जात हे जेखर तहत चिकित्सा शिक्षा अउ स्वास्थ्य के क्षेत्र म सुविधा मन के इजाफा बर निरंतर प्रयास करे जात हे।