प्रधानमंत्री जन आरोग्य योजना के क्रियान्वयन म छत्तीसगढ़ अव्वल

राष्ट्रीय स्वास्थ्य प्राधिकरण कॉन्क्लेव म मिलिस श्रेष्ठ प्रदर्शन राज्य के सम्मान
रायपुर, मुख्यमंत्री श्री विष्णु देव साय के अगुवई म छत्तीसगढ़ म आयुष्मान भारत प्रधानमंत्री जन आरोग्य योजना के क्रियान्वयन म उत्कृष्ट काम होय हे। पाछू जनवरी 2025 म छत्तीसगढ़ ह ए योजना के क्रियान्वयन म देश म सबले पिछले पायदान म रहिस, फेर मुख्यमंत्री श्री साय के सतत मॉनीटरिंग के बाद पाछू नौ महिना म छत्तीसगढ़ आयुष्मान भारत प्रधानमंत्री जन आरोग्य योजना के क्रियान्वयन म देश म पहिली पायदान म आ गए हे। भोपाल म आयोजित राष्ट्रीय स्वास्थ्य प्राधिकरण कॉन्क्लेव म छत्तीसगढ़ ल श्रेष्ठ प्रदर्शन राज्य के सम्मान देहे गए हे।
ये सम्मान राज्य के अथक उदीम अऊ स्वास्थ्य के क्षेत्र म अनुकरणीय कार्यशैली के प्रमाण हे। सम्मान देहे के मुख्य कारण पहिचान करे सबो मुद्दा मन म गहन फील्ड ऑडिट के सफलतापूर्वक आयोजन रहिस। आयुष्मान योजना के दावा प्रक्रिया म टर्नअराउंड टाइम ल उल्लेखनीय रूप ले घटाए गीस, जेखर से लाभार्थी मन ल जल्दी सेवा मिलिस। सबो संबंधित हितधारक मन के विस्तृत संवेदनशीलता अऊ जागरूकता कार्यक्रम मन के संचालन करके ओ मन ल जागरूक बनाए गीस। एनएचए के पैनल्ड स्वास्थ्य सेवा प्रदाता मन के संग प्रभावी संचार तंत्र स्थापित करके समन्वय ल बेहतर करे गीस। छत्तीसगढ़ सरकार के ये प्रयास राज्य के नागरिक मन ल गुणवत्तापूर्ण अऊ सुलभ स्वास्थ्य सेवा उपलब्ध कराए म मील के पत्थर साबित होइस। मुख्यमंत्री श्री साय ह छत्तीसगढ़ के ए उपलब्धि खातिर स्वास्थ्य विभाग के सबो अधिकारी मन अऊ स्वास्थ्य कार्यकर्ता मन ल बधाई देहे हे।
जानबा हे के प्रधानमंत्री जन आरोग्य योजना भारत सरकार के एक स्वास्थ्य बीमा योजना हे, जेन आर्थिक रूप ले कमजोर परिवार मन ल हर साल ₹5 लाख तक के कैशलेस स्वास्थ्य बीमा कवर देथे हे। ये योजना सार्वजनिक अऊ निजी अस्पताल मन म द्वितीयक अऊ तृतीयक देखभाल खातिर हे अऊ एकर उद्देश्य परिवार मन म स्वास्थ्य खर्च के बोझ ल कम करना हे।