मुंगेली, शासन कोति ले संचालित प्रधानमंत्री सूर्यघर योजना अब ग्रामीण अंचल मन म घलोक आमजन के जीवन म आशा के किरण बनत हे। इही क्रम म विकासखण्ड लोरमी के ग्राम नवागांव वेंकट के रहवइया अकत राम ध्रुव ह ए योजना के लाभ लेके अपन घर के छत म सोलर पैनल स्थापित कराए हे। अब वो हर महीना बिजली बिल के बोझा ले मुक्त होके, अपने सौर ऊर्जा ले अपन घर के बिजली जरूरत मन ल पूरा करत हे।
अकत राम ध्रुव ह बताइस के पहिली वोखर घर म बिजली के आपूर्ति अनियमित रहय अऊ बिजली बिल घलोक जादा आवय, फेर जब ओ ल पीएम सुरुज घर योजना के जानकारी मिलीस, त वो ह तुरंते आवेदन करिस। योजना के तहत ओ ल सब्सिडी म सोलर पैनल मिलिस अऊ कुछेक दिन म वोखर घर के छत म सिसटम इंस्टॉल कर दे गीस। अब वोखर घर म नियमित रूप ले बिजली रहिथे अऊ ओ ल बिल घलोक नइ देना परत हे, बल्कि अवइया बेरा म ओ ल अकतहा बिजली ल विद्युत विभाग ल बेचके कमइ घलोक करे के योजना बनत हे।
पीएम सुरुज घर ले रोशन होवत हे अकत राम ध्रुव के घर
