केन्द्र सरकार के सुग्‍घर उदीम ‘प्रधानमंत्री सूर्यघर योजना’

चांटीडीह रहवइया अशोक साहू ह दू घर म लगवाइस सोलर पैनल, बिजली बिल होइस शून्य
केन्द्र अऊ राज्य सरकार ले योजना के तहत मिलत हे सब्सिडी
बिलासपुर, प्रधानमंत्री सूर्यघर योजना एक अइसे योजना हे जेमां सौर ऊर्जा के माध्यम ले घर तक रोशनी पहुंचाए जात हे। योजना के उद्देश्य उपभोक्ता मन ल बिजली बर आत्मनिर्भर बनाना हे। एखर तहत हितग्राही मन ल केन्द्र सरकार कोति ले 78 हजार रूपिया अऊ राज्य सरकार कोति ले 30 हजार तक के सब्सिडी देहे जात हे संगेच हर महीना 300 यूनिट मुफ्त बिजली के घलोक प्रावधान हे। योजना के तहत बिलासपुर जिला चांटीडीह के रहवइया अशोक साहू ह अपन दू घर के छत म सोलर पैनल लगवाए हे, वो ह चार किलोवाट अऊ तीन किलोवाट के दू सोलर पैनल लगवाए हे जेमें ले एक वोखर पत्नी श्रीमती प्रीति साहू के नाव हे। वो ह बताइस के सोलर पैनल ले होवत बिजली उत्पादन ले अब ओ मन ल महंगा बिजली के बिल ले राहत मिलत हे अऊ ऊंखर दुनों घर के बिजली बिल शून्य हो गए हे। ए महत्वपूर्ण योजना बर उमन प्रधानमंत्री अऊ मुख्यमंत्री के आभार जताए हें।
चांटीडीह रहवइया श्री अशोक साहू ह बताइस तीन किलोवाट के लागत 190000 रहिस जेन 90 प्रतिशत वोखर पत्नी के नाव म फाइनेंस हो गीस। उहें चार किलोवाट के लागत 240000 रहिस जेमां ले केंद्र से सब्सिडी के रूप म 78000 अऊ राज्य सरकार के सब्सिडी 30000 रुपिया वोखर खाता म आ गे हे। उहें वोखर पत्नी के नाव म लगे सोलर पैनल के सब्सिडी घलोक जमा हो गए हे। उमन बताइस के जब ले उमन अपन दुनों घर के छत म सोलर पैनल लगवाए हें, ऊंखर बिजली बिल शून्य हो गीस हे।