पीएम सूर्यघर योजना बनिस ‘ज्योति’ के घर के असली रोशनी

कोरबा, एक दौर रहिस जब गर्मी के मौसम के नाम सुनतेच आम मनखे मन के चेहरा म चिंता के लकीर उभर आत रहिस। कोरबा जिला के कटघोरा म रहइया श्रीमती ज्योति अनंत बर घलोक ये मौसम परेशानी अऊ असुविधा लेके आत रहिस। भीषण गर्मी म बिजली के लगातार कटौती अऊ ऊपर ले महंगा बिजली बिल ह ओखर चैन अऊ सुकून छीन ले रहिस। दिन-रात पंखा अऊ कूलर बंद रहत रहिस, अऊ घर के बजट बिजली के बिल म ही उलझ के रह जात रहिस।
फेर आज, उही सुरुज जेकर तपिश ओ ल सतात रहिस, अब उंखर जीवन ल रोशन करत हे। ये बदलाव संभव होय हे प्रधानमंत्री सूर्यघर मुफ्त बिजली योजना के तहत, जेन ल केंद्र सरकार कोति ले आम नागरिक बर शुरू करे गए हे। प्रधानमंत्री श्री नरेन्द्र मोदी के दूरदर्शी सोच अऊ मुख्यमंत्री श्री विष्णुदेव साय के नेतृत्व म क्रियान्वित ए योजना ह हजारों परिवार ल राहत पहुंचाए हे, जेमें श्रीमती ज्योति अनंत घलोक एक हे।
वो ह अपन घर के छत म ए योजना के तहत सोलर पैनल लगवाए हे अऊ अब ओही सुरुज, जेन कभू कष्ट के कारण रहिस, आज ऊर्जा अऊ आत्मनिर्भरता के स्रोत बन गे हे। श्रीमती अनंत बताथे के पहिली ओ अऊ ओखर परिवार गिन-गिन के बिजली के उपयोग करत रहिस ताकि बिल कम आवय, तभो ले हजारों के बिल आत रहिस।
एक दिन जब पड़ोसी ले ओ ल ए योजना के जानकारी मिलीस, त वो ह तुरंत एखर जानकारी जुटाईस अऊ खुद योजना के वेबसाइट म जाके रजिस्ट्रेशन करिस। कुछेक समय म वोखर घर के छत म सोलर पैनल इंस्टॉल कर दे गीस, संगेच शासन कोति ले 78,000 के सब्सिडी घलोक मिलीस। पहिली महीना म ओ ल एकर लाभ महसूस होइस। अब बिजली जावय या झन जावय, ए बात ले कोनो फरक नइ परय काबर के सोलर एनर्जी ले ओखर घर चलत हे।