सूरज के तपिश ले फैलत हे घर आँगन म उजियारा

प्रधानमंत्री सूर्यघर योजना बनिस आमजन बर लाभकारी
बलौदाबाजार, सूरज के तेज गर्मी ले सोलर पैनल ल ऊर्जा मिले ले मनखे मन ल आसानी ले बिजली मिलत हे जेखर से घर रोशन होवत हे। प्रधानमंत्री सूर्यघर मुफ्त बिजली योजना आम नागरिक मन बर लाभकारी सिद्ध होवत हे।
बलौदाबाजार शहर के प्रतिष्ठा कॉलोनी निवासी  प्रसन्न दीवान ह ए योजना के तहत अपन घर के छत म 5 किलोवाट क्षमता के सोलर सिसटम स्थापित करके योजना के लाभ उठाए हे। वोखर बताती योजना के जानकारी ओ ल समाचार पत्र के माध्यम ले मिलीस जेखर बाद वो ह बिजली विभाग ले संपर्क करके विस्तृत जानकारी लीस। श्री दीवान ह बताइस के आवेदन प्रक्रिया पूरा ऑनलाइन अऊ सरल हे। वो ह योजना के तहत आवेदन करके 5 किलोवाट के सौर ऊर्जा प्रणाली अपन घर म स्थापित कराइस, जेखर से ओ ल ₹ 78,000 के सब्सिडी मिलिस। ये प्रणाली पाछू 6 महीना ले सुचारू रूप ले काम करत हे अऊ एखर से ओ ल प्रत्यक्ष रूप ले आर्थिक लाभ होवत हे। पहिली जिहां ओ ल हर महिना भारी भरकम बिजली बिल चुकाना परत रहिस, अब बिजली बिल लगभग शून्य हो गए हे।
वो ह कहिस के प्रधानमंत्री सूर्यघर योजना ले न केवल बिजली बचत होवत हे, बल्कि ये पर्यावरण संरक्षण के दिशा म घलोक एक महत्वपूर्ण कदम हे। दीवान ह सबो नागरिक मन ले अपील करे हे के ओ मन घलोक अपन घर म ए योजना के लाभ लेके नइ केवल बिजली के बचत करव, बल्कि अपन आय म घलोक वृद्धि करव। एखर बर दीवान ह प्रधानमंत्री श्री नरेंद्र मोदी अउर मुख्यमंत्री श्री विष्णु देव साय के आभार व्यक्त करत कहिस के ये योजना आमजन के जीवन म सकारात्मक बदलाव लावत हे अऊ देश ल ऊर्जा के क्षेत्र म आत्मनिर्भरता कोति ले जात हे।