- पंचायत अउ ग्रामीण विकास विभाग के प्रमुख सचिव ह करिस विभागीय काम मन के समीक्षा
- नवगठित ग्राम पंचायत मन म पंचायत भवन निर्माण के काम जोर म, 2 अकटूबर ल होना हे लोकार्पण
- बैंक सखि मन 171.12 करोड़ रूपिया के करिन ट्रांजैक्शन, गांव अऊ घर तक पहुंचाके जरूरतमंद मन ल उपलब्ध करावत हें नगदी
रायपुर, 6 जुलाई 2020। पंचायत अउ ग्रामीण विकास विभाग के प्रमुख सचिव श्री गौरव द्विवेदी ह आज वीडियो कॉन्फ्रेंस के संग सबो जिला पंचायत के मुख्य कार्यपालन अधिकारी मन के बैठक लेके विभागीय काम मन के समीक्षा करिन। ये दौरान उमन मनरेगा, राज्य ग्रामीण आजीविका मिशन अऊ स्वच्छ भारत मिशन (ग्रामीण) के अंतर्गत प्रदेश भर म होवत काम मन के विस्तृत जानकारी लेके उंखर प्रगति के समीक्षा करिन। वीडियो कॉन्फ्रेंस म प्रमुख सचिव श्री द्विवेदी के संग पंचायत अउ ग्रामीण विकास विभाग के सचिव अऊ मनरेगा आयुक्त श्री टी.सी. महावर, राष्ट्रीय ग्रामीण आजीविका मिशन के संचालक श्री नीलेश क्षीरसागर अऊ स्वच्छ भारत मिशन (ग्रामीण) के संचालक श्री धर्मेश साहू घलोक मौजूद रहिन।