दुर्ग, 20 जून 2020। हत्या के मामला म सजा काटत कैदी ह शनिवार बिहनिया सेंट्रल जेल दुर्ग म फांसी लगाके आत्महत्या कर लिस. घटना ले सेंट्रल जेल म हड़कंप मचे हे. आनन फानन म एखर सूचना पद्मनाभपुर चौकी पुलिस ल दे गिस. मौका म पहुंचे पुलिस ह मर्ग कायम कर ले हे. फिलहाल आत्महत्या के कारण के खुलासा नई हो पाये हे. पद्मनाभपुर चौकी प्रभारी ऐनु देवांगन ह बताइस कि हत्या के मामले म सजा काटत कैदी ह फांसी लगाके आत्महत्या कर लिस. घटना आज बिहनिया 8 बजे के हे. मृतक बंदी के नाम दिवाकर योगी (23) हे. ये परपोड़ी जिला बेमेतरा के निवासी रहिस. चौकी प्रभारी ह बताइस कि मृतक दिवाकर योगी ल हत्या के मामला म 28 जून 2019 के आजीवन कारावास के सजा होय रहिस. तब ले ये सेंट्रल जेल दुर्ग म सजा काटत रहिस.
दुर्ग के सेंट्रल जेल म हत्या के सजा काटत कैदी ह करिस आत्महत्या
