जेल म कैदी मन ल मिलिस स्वरोजगार प्रशिक्षण, 35 कैदी मन ल मिलिस प्रमाणपत्र

आरएसईटी के सहयोग ले फास्ट फूड स्टॉल के व्यावसायिक प्रशिक्षण होइस पूरा
पुनर्वास के दिशा म सराहनीय पहल
कोरिया, जिला जेल बैकुंठपुर म जेल मुख्यालय अउ शासन के निर्देशन म कौशल विकास प्रशिक्षण कार्यक्रम आयोजित करे गिस, जेखर उद्देश्य रिहाई अउ आजीविका के अवसर प्रदान करना हे। आरसीईटी अउ सेंट्रल बैंक ऑफ इंडिया के सहयोग ले लघु उद्यमी (फास्ट फूड स्टॉल) प्रशिक्षण 8 जुलाई, 2025 ले शुरू करे गीस, जेमा 35 कैदी मन ह भाग लीन। प्रशिक्षण के दौरान आरसीटी के प्रशिक्षक श्रीमती नेमा पटेल ह कैदी मन ल साफ-सफाई के विशेष ध्यान रखत कई प्रकार के फास्ट फूड व्यंजन तैयार करे के संग व्यावसायिक दक्षता, ग्राहक सेवा अउ गुणवत्ता ले संबंधित जानकारी दीन। प्रशिक्षण के समापन के अवसर म 19 जुलाई, 2025 के जम्मो 35 कैदी मन के मूल्यांकन करे गीस। सफल प्रतिभागी मन ल प्रमाण पत्र बांटे गीस।
ए बेरा म आरसेटी निदेशक श्री महती बनरा, मूल्यांकनकर्ता श्री सुरोजित गुहा अउ श्रीमती राजेश्वरी अग्रवाल, फैकल्टी सुश्री पूनम यादव, सहायक जेल अधीक्षक श्री एस. के. आबिद राजा अउ जेल के आन अधिकारी-कर्मचारी उपस्थित रहिन। जेल प्रशासन ह बताइस के ए प्रकार के प्रशिक्षण कार्यक्रम न केवल कैदी मन ल रोजगार के अवसर प्रदान करत हे, बल्कि ओ मन ल अपराध मुक्त जीवन जीए अउ समाज के मुख्यधारा म शामिल होए बर प्रेरित करत हे।