सहकारी समिति मन के माध्यम ले खाद अऊ बीज के भरपूर आपूर्ति

खरीफ 2025 बर 55 हजार मीट्रिक टन ले जादा खाद वितरण के लक्ष्य, अब तक 70 प्रतिशत वितरण होए हे पूरा
कबीरधाम, मुख्यमंत्री श्री विष्णु देव साय के निर्देश के मुताबिक अउ कलेक्टर के मार्गदर्शन म प्राथमिक सेवा सहकारी समिति मन म खाद के आपूर्ति अऊ भंडारण के कार्यवाही करे जात हे। कबीरधाम जिला म स्थापित डबल लॉक केन्द्र मन म अभी हाल म 3,128 मीट्रिक टन खाद सुरक्षित भण्डारित हे। कृषक मन के मांग के अनुसार खाद के सतत आपूर्ति सुनिश्चित करे जात हे। अब तक कुल निरधारित 55,864 मीट्रिक टन लक्ष्य के विरुद्ध 39,322 मीट्रिक टन खाद के भण्डारण अऊ 35,201 मीट्रिक टन खाद के वितरण करे जा चुके हे। ये आंकड़ा कुल लक्ष्य के लगभग 70 प्रतिशत हे।
उप संचालक कृषि श्री अमित मोहंती ह जानकारी देवत बताइस के किसान मन ल डी.ए.पी. खाद के संगे-संग वैकल्पिक उर्वरक जइसे एन.पी.के. अउ एस.एस.पी. कोति घलोक प्रोत्साहित करे जात हे। मैदानी अमला मन ह गांव-गांव जाके किसान मन ल जागरूक करे बर प्रचार-प्रसार करे जात हे, जेखर से पउर साल के तुलना म ए साल वैकल्पिक खातू मन के उठाव उल्लेखनीय रूप ले बाढ़े हे।