दुर्ग 4 अप्रैल 2020। शासकीय विश्वनाथ यादव तामस्कर स्नातकोत्तर स्वशासी महाविद्यालय, दुर्ग के प्राचार्य, प्राध्यापक, अउ कर्मचारी मन ह मिलके छत्तीसगढ़ शासन कोति ले बनाए गए मुख्यमंत्री कोरोना कोष म 4 लाख 84 हजार एक सौ तिरालिस रूपिया के राशि जमा करे हें। महाविद्यालय के प्राचार्य डॉ. आर. एन. सिंह ह ये जानकारी देवत बताइन के शासन के आदेश आए के पहिलिच महाविद्यालय परिवार ह अपन मन के अपन एक दिन के वेतन मुख्यमंत्री राहत कोष म जमा करे के मंशा जाहिर करे रहिस। संकट के ये घड़ी म हम सबो के ये दायित्व हे कि अपन-अपन स्तर म राहत कोष म अवश्य अंशदान देवन।
डॉ. आर. एन. सिंह ह बताइस कि महाविद्यालय के प्राध्यापक मन कोति ले ई-लेक्चर तियार करके अऊ वाटसएप समूह बनाके पढ़ईया लईका मन के विसय ले संबंधित कठिनाइ मन ल घलोक आनलाईन पद्धति ले दूर करे जात हे।
