रायपुर, 9 दिसम्बर 2020। आबकारी मंत्री कवासी लखमा ह हवाई, रेल अऊ सड़क मार्ग ले शराब के अवैध तस्करी म रोक लगाय बर हवाई अड्डा, रेल्वे स्टेशन अऊ बस स्टैंड म जांच केन्द्र स्थापित करे के निर्देश देहे हे। आबकारी विभाग ल विगत कुछ समय ले अइसे शिकायत मिलत रिहिस कि यात्री द्वारा हवाई, रेल अऊ सड़क मार्ग ले अन्य राज्य ले निर्धारित मात्रा ले ज्यादा मात्रा म अवैध रूप ले शराब लाके छत्तीसगढ़ म विक्रय करे जावत हे। यात्री द्वारा अन्य प्रांत ले विशेष रूप ले मंहगा शराब लाके बेचे के शिकायत मिले हे। प्रदेश के आबकारी राजस्व प्रभावित होवत हे। आबकारी मंत्री ह शराब के तस्करी करइया मन बर सख्त कार्यवाही के निर्देश विभागीय अधिकारी मन ल देहे हे।
वाणिज्यिक कर (आबकारी) विभाग के सचिव निरंजन दास ह बतइस कि कोनो भी यात्री अपन संग स्वयं के उपभोग बर अधिकतम एक बोतल शराब ही परिवहन करे बिना रोक टोक के ला सकत हे। आबकारी विभाग द्वारा संज्ञान लेत हुए ये निर्णय लेहे हे कि प्रदेश के हवाई अड्डा, रेल्वे स्टेशन, बस अड्डा म विभाग के जाँच केंद्र खोले जाएँ ताकि ये प्रकार के शराब परिवहन ल रोके बर प्रभावी कार्यवाही करे जा सके। ये प्रयोजन बर विभाग द्वारा पिछु दिन अधिसूचना घलो जारी कर देहे गए हे। जल्द ही विभाग द्वारा ये स्थान म जाँच केंद्र स्थापित कर देहे जाही।
गुरतुर गोठ बर- भीषम वर्मा