रायपुर, 26 सितंबर 2020। पंचायत अऊ ग्रामीण विकास विभाग ह मनरेगा (महात्मा गांधी राष्ट्रीय ग्रामीण रोजगार गारंटी योजना) अभिसरण ले औषधीय पौधा मन के रोपण बर वन विभाग अऊ कृषि विभाग ल चिट्ठी लिखे हे। पंचायत अऊ ग्रामीण विकास विभाग ह दुनों विभाग मन ले आग्रह करे हे के ओ मन अभी हाल वर्षा ऋतु के समय ही औषधीय पौधा मन के जल्दी ले रोपण बर अपन-अपन जिला स्तरीय विभागीय अधिकारी मन ल जरूरी समन्वय अऊ ये संबंध म प्रभावी कार्यवाही बर निर्देशित करव।
पंचायत अऊ ग्रामीण विकास विभाग के प्रमुख सचिव श्री गौरव द्विवेदी ह वन अऊ कृषि विभाग के सचिव मन ल चिट्ठी के संग केंद्रीय ग्रामीण विकास मंत्रालय अऊ आयुष मंत्रालय के राष्ट्रीय औषधीय पौधा बोर्ड कोति ले मनरेगा अभिसरण ले औषधीय पौधा मन ल बढ़ावा देहे बर जारी संयुक्त दिशा-निर्देश घलोक साझा करे हें। उमन भारत सरकार के दिशा-निर्देश के मुताबिक मनरेगा, वन विभाग अऊ कृषि विभाग के योजना मन के अभिसरण ले औषधीय पौधा मन के महत्ता ल देखत जादा ले जादा पौधरोपण करे ल कहे हें।
