खेल अउ शिक्षा ल बढ़ावा देहे के सरलग करे जाथ हे प्रयास : मुख्यमंत्री श्री भूपेश बघेल
रायपुर 8 जुलाई 2023
मुख्यमंत्री श्री भूपेश बघेल ह मुख्यमंत्री निवास कार्यालय ले वीडियो कॉन्फ्रेंसिंग के माध्यम ले महात्मा गांधी स्टेडियम के अंतर्गत स्थित खेलो इंडिया मल्टीपरपज इनडोर स्टेडियम हाॅल समेत विभिन्न निर्माण कार्य ले शिलान्यास, भूमि पूजन अउ लोकार्पण करिस। ए अवसर मुख्यमंत्री निवास म उप मुख्यमंत्री श्री टी. एस. सिंहदेव, नगरीय प्रशासन मंत्री डॉ. शिवकुमार डहरिया घलो शामिल रहिन। जिला म कार्यक्रम स्थल म नगर निगम अम्बिकापुर महापौर डॉ अजय तिर्की, सभापति श्री अजय अग्रवाल, स्थानीय जनप्रतिनिधि, नगर निगम आयुक्त सुश्री प्रतिष्ठा ममगई, अधिकारी-कर्मचारी अउ खिलाड़ी उपस्थित रहिन हे। ए अवसर म मुख्यमंत्री ह अपन उद्बोधन म कहिस कि खेल अउ शिक्षा ल बढ़ावा देहे के उद्देश्य ले सरलग खेल अउ शिक्षा के क्षेत्र म सुविधा ले विस्तार करे जाथ हे। एकर संग ही क्षेत्र के समावेशी विकास ब सरलग सार्थक प्रयास राज्य शासन द्वारा करे जाथ हे। उपमुख्यमंत्री श्री टीएस सिंहदेव ह क्षेत्रवासी मन ल सुसज्जित अउ सर्वसुविधायुक्त इनडोर स्टेडियम मिले म बधई दिस। एकर संग ही ओ ह खेल प्रेमी मन ब एला अबड़ सुघ्घर उपहार बताइस। ओ ह कहिस खेल, समग्र विकास ब एक महत्वपूर्ण घटक हे अउ एकर से निसंदेह नगर वासी मन ल लाभ मिलही।
लोकार्पण अउ शिलान्यास के प्रमुख कार्य-
मुख्यमंत्री श्री बघेल ह ईहां 4 करोड़ 37 लाख 64 हजार रुपिया के लागत ले निर्मित ए सर्वसुविधायुक्त मल्टीपरपज इण्डोर हॉल के लोकार्पण करिस। जिहां खिलाडी मन ब 04 बैडमिंटन कोर्ट, 03 टेबल टेनिस, बास्केट बॉल अउ व्हॉलीबॉल कोर्ट के सुविधा हे। हॉल के आकार 150.00×65.00 फिट के। मल्टीपरपज इंडोर हॉल म महिला अउ पुरूष खिलाडी मन ब अलग अलग चेजिंग रूम, वॉशरूम, क्लॉक रूम, खेल उपकरण कक्ष, प्रथम तल म सीटिंग एरिया उपलब्ध हे। ईहां भविष्य ब स्कवैश कोर्ट, शूटिंग रेंज इत्यादि के घलो योजना हे।
एकर संग ही मुख्यमंत्री श्री बघेल ह केशवपुर, सोहगा, राजापुर, बिलासपुर अउ निम्हा म 6 करोड़ 86 लाख 11 हजार के लागत ले निर्मित स्वामी आत्मानन्द उत्कृष्ट विद्यालय के लोकार्पण करिस। उहें 5 करोड़ 39 लाख 47 हजार रुपिया के लागत के कार्य के भूमिपूजन करे गईस। भूमिपूजन के कार्य म 3 करोड़ 39 लाख 22 हजार रुपिया ले महात्मा गांधी स्टेडियम के उन्नयन कार्य, पीजी कॉलेज ग्राउण्ड म एक करोड़ 25 हजार रुपिया के लागत ले मूलभूत सुविधा ले विस्तार कार्य अउ नगर पालिक निगम, अम्बिकापुर के समस्त वार्ड म एक करोड़ रुपिया के लागत ले विद्युतीकरण कार्य शामिल हे।
Neha Rathore
