3 नक्सली मन के करोड़ों के संपत्ति होही जब्त, देश के कई राज्य मन म हे प्रॉपर्टी

रायपुर, 30 जनवरी 2021। राज्य सरकार ह बड़का कार्रवाई करत हुए सीआरपीएफ कमांडेंट समेत 76 जवान मन के हत्या के मामला म शामिल नक्सली मन के करोड़ों के संपत्ति जब्त करे के फैसला करे हे। राज्य सरकार ह 3 नक्सली मन ल टारगेट करे हे, जेमां अरविंद यादव, प्रवेश दा अउ पिंटू राणा के संपत्ति जब्त करे जाही। मिले जानकारी के अनुसार ये नक्सली मन अपन परिजन अउ रिश्तेदार मन के नाम ले देश के कई राज्य बिहार, झारखंड, बंगाल, उत्तर प्रदेश अउ पंजाब म काफी संपत्ति लेहे हे। छत्तीसगढ़ के दंतेवाड़ा म 6 अप्रैल 2010 को सीआरपीएफ के 62 वीं बटालियन उपर हमला होय रहिस। ये हमला म सीआरपीएफ के 76 जवान शहीद होगे रहिस। ये लोगन ह बिहार, झारखंड के अलावा छत्तीसगढ़ म घलो दहशत फैला रखे हे।