बिलासपुर, 26 जून 2020। नरवा विकास कार्यक्रम के तहत् बिलासपुर अउ गौरेला पेण्ड्रा मरवाही जिला के 64 नाला मन के सुधार अउ सरंक्षण के काम होवत हे। नाला मन के उपचार ले 223 ग्राम पंचायत मन म सिंचाई बर पानी मिलही अऊ भू जल स्तर म वृद्धि होही।
नरवा, गरवा, घुरवा अउ बाड़ी योजना के तहत् नाला विकास कार्यक्रम म नाला म चेक डेम, बोल्डर चेक डेम, गेबियन संरचना, स्टॉप डेम आदि संरचाना बनाए जात हे। ए नाला मन के केचमेन्ट एरिया 119367.54 हैक्टेयर हे। नाला मन बर 1907 काम के डी.पी.आर पास करे गए हे। ए काम म 3040.14 लाख रूपिया खरचा होही। अभी तक 455 काम पूरा हो गए हे अऊ 381 चलत हे। वन विभाग ह केम्पा मद ले 140.76 किलोमीटर लम्बाई के कई ठन नाला मन के सुधार बर डी.पी.आर तियार करे हे। अइसनहे पंचायत अउ ग्रामीण विकास कोति ले मनरेगा के तहत् 429.85 किलोमीटर लम्बाई के कई ठन नाला मन के सुधार काम कराए जात हे। उपचारित करे जात नाला मन म 39 बिलासपुर जिला के अऊ 25 नाला गौरला, पेण्ड्रा, मरवाही जिला के हे।