रायपुर, 17 दिसम्बर 2023। छत्तीसगढ़ के राज्यपाल श्री विश्वभूषण हरिचंदन ह आज राजभवन के दरबार हाल म सादा समारोह म विधानसभा के निर्वाचित सदस्य श्री रामविचार नेताम ल विधानसभा के सामयिक अध्यक्ष (प्रोटेम स्पीकर) के शपथ देवाईन। श्री नेताम ह छत्तीसगढ़ी म शपथ लीन। उमन विधि कोति ले स्थापित भारत के संविधान के प्रति सच्चा श्रद्धा अऊ निष्ठा रखे, भारत के प्रभुता अऊ अखण्डता ल अक्षुण्ण रखे के शपथ लीन।
ये बेरा म मुख्यमंत्री श्री विष्णु देव साय, उप मुख्यमंत्री द्वय श्री अरूण साव अउ श्री विजय शर्मा, विधानसभा अध्यक्ष श्री चरण दास महंत, पूर्व मुख्यमंत्री द्वय श्री भूपेश बघेल, डॉ. रमन सिंह, पूर्व मंत्री अउ विधायक श्री बृजमोहन अग्रवाल, श्री राजेश मूणत, श्री पुन्नुलाल मोहिले, श्री अजय चंद्राकर, श्री दयालदास बघेल, पूर्व विधानसभा अध्यक्ष अउर विधायक श्री धरमलाल कौशिक, नवनिर्वाचित विधायक, जनप्रतिनिधिगण अउ मुख्य सचिव श्री अमिताभ जैन, अकतहा मुख्य सचिव द्वय श्रीमती रेणु जी पिल्ले, श्री सुब्रत साहू, पुलिस महानिदेशक श्री अशोक जुनेजा, राज्यपाल के सचिव श्री अमृत कुमार खलखो, उप सचिव श्री दीपक अग्रवाल संग वरिष्ठ प्रशासनिक अधिकरीगण उपस्थित रहिन। कार्यक्रम के संचालन छत्तीसगढ़ विधानसभा के सचिव श्री दिनेश शर्मा ह करिस।
राज्यपाल श्री हरिचंदन ह श्री रामविचार नेताम ल प्रोटेम स्पीकर के शपथ देवाईन, छत्तीसगढ़ी म लीन शपथ
