वनांचल अऊ दुर्गम जगा म रहइया सुध्धू बैगा के सपना जनमन आवास ह करिस पूरा

सुध्धू बैगा बर शासकीय योजना बनिस सम्मान अऊ सुरक्षा के पर्याय
कबीरधाम, केंद्र सरकार अऊ राज्य सरकार के जनहितकारी योजना मन के लाभ अब सुदूर वनांचल, दुर्गम, पहाड़ी क्षेत्र मन अऊ समाज के आखरी लकीर म रहइया विशेष पिछड़ी जनजाति बैगा बाहुल्य बसाहट मन तक पहुँचत हे। जेकर बानगी कबीरधाम जिला के विकासखंड बोड़ला के वनांचल ग्राम कोयलारी, ग्राम पंचायत चेन्द्रादादर के रहवइया सुध्धू बैगा (पिता श्री महरू बैगा) म देखे ल मिलत हे, जेन विशेष पिछड़ी जनजाति ’बैगा’ समुदाय ले आथे। सुध्धू बैगा अपन परिवार के संग कच्चा मकान म रहत रहिस। सुध्धू बैगा मजदूरी करके अपन अऊ अपन परिवार के भरण पोषण करत हे, वोखर बर अपन घर बनाना कोनो सपना ले कम नइ रहिस। प्रधानमंत्री आवास योजना सुध्धू बैगा के परिवार बर खुशि के सौगात लेके आईस। 
हितग्राही सुध्धू बैगा बताथे के पहिली टूटे-फूटे झोपड़ी-नुमा कच्चा घर रहिस, जेमा बरसात म चारो कोति ले पानी चूहय संगे सीलन के संग म उमन रहे ल मजबूर रहिन। रात के अंधियारी म जंगली जानवर के खतरा के अलावा बरसात के दिन म सांप-बिच्छु के डर बने रहय। कोनो अनहोनी के खतरा म मोर परिवार जीवन जीए ल विवश रहिस। फेर प्रधानमंत्री जनमन योजना म घर के पात्रता सूची म नाव आए ले मोर परिवार खुशी ले झूम उठिस। ग्राम सभा ले साल 2023-24 म घर के स्वीकृति देहे गीस। स्वीकृति के संगेच पहिली किश्त के राशि 40 हजार बैंक खाता म ऑनलाईन डी.बी.टी के माध्यम ले आ गे। जइसनहे घर निर्माण के काम चालू होइस बैंक खाता म प्रगति के आधार म दूसर किश्त के राशि 60 हजार, तीसरी किश्त के राशि 80 हजार अऊ घर पूरा होए के बाद आखरी किश्त के राशि 20 हजार रूपिया खाता म आ गे, अउ देखतेच देखत पक्का घर बनके तैयार हो गे।