लोक निर्माण मंत्री ह नवा रायपुर म मुख्यमंत्री अऊ मंत्री मन के घर निर्माण के प्रगति के जायजा लीन

रायपुर, 14 मार्च 2020। लोक निर्माण मंत्री श्री ताम्रध्वज साहू ह आज नवा रायपुर के सेक्टर-24 म निर्माणाधीन मुख्यमंत्री बंगला अऊ मंत्री मन के घर निर्माण के प्रगति के जायजा लीन। सेक्टर 24 म आवास के प्लिंथ एरिया के काम पूरा होए के संगेच भू-तल छत के 25 प्रतिशत काम पूरा हो गए हे, बाकि काम प्रगति म हे। गृह मंत्री ह मुख्यमंत्री अऊ मंत्री मन के घर निर्माण के विस्तृत ड्राइंग के अध्ययन करिन अऊ विभागीय अधिकारी मन ल गुणवत्ता के संग घर निर्माण म तेजी लाय के हुकुम दीन। ये बेरा म सचिव लोक निर्माण श्री सिद्धार्थ कोमल सिंह परदेशी, प्रमुख अभियंता श्री डी.के. अग्रवाल अउ मुख्य अभियंता श्री एस.के. शर्मा संग आन विभागीय अधिकारी उपस्थित रहिन।