पुलवामा के शहीद मन के सहायता बर कलेक्टर ह मुख्यमंत्री सहायता कोष के माध्यम ले भेजिस 47.72 लाख रुपिया के चेक

कवर्धा, क्लेक्टर श्री अवनीश कुमार शरण ह कबीरधाम जिला के कई ठन कार्यालय मन के अधिकारी मन, कर्मचारी मन, संगठन अउ सामाजिक कार्यकर्ता मन कोति ले पुलवामा के शहीद मन के सहायता बर जमा करे गए राशि 47 लाख 72 हजार 548 रुपिया के चेक जारी करे गए हे। ये चेक मुख्यमंत्री सहायता कोष छत्तीसगढ़ रायपुर के माध्यम ले शहीद मन के परिजन मन तक भेजे जाही। हम आप ल बता देवन कि 14 फरवरी 2019 ल जम्मू श्रीनगर राष्ट्रीय राजमार्ग म भारतीय सुरक्षा कर्मि मन ल ले जाय से आर पी एफ के वाहन मन के काफिला म आत्मघाती हमला आतंकवादी मन कोति ले करिस जेमां 45 सुरक्षा कर्मि मन के जान गए रहिस।