रायपुर, राज्यपाल सुश्री अनुसुईया उइके ले आज राजभवन म गरियाबंद कलेक्टर श्री प्रभात मलिक अऊ जिला पंचायत सीईओ श्रीमती रोक्तिमा यादव ह सौजन्य भेंट करिन। राज्यपाल ल कलेक्टर ह प्रसिद्ध राजिम माघी-पुन्नी मेला म सामिल होए के आमंत्रण दीन।
राज्यपाल ल कलेक्टर ह मेला आयोजन ले जुड़े महत्वपूर्ण जानकारी घलोक दीन। राज्यपाल ह जिला प्रशासन ल माघी-पुन्नी मेला के सफल आयोजन बर शुभकामना दीन।
जानबा हे कि राजिम माघी-पुन्नी मेला हर बछर गरियाबंद जिला म स्थित महानदी, पैरी अऊ सोंढूर नदिया मन के संगम, राजिम म माघ पून्नि ले लेके महाशिवरात्रि तक आयोजित करे जाथे।
राज्यपाल सुश्री उइके ल गरियाबंद कलेक्टर ह राजिम माघी-पुन्नी मेले के दीन नेउता
