किसान मन ल मिलत हे भरपूर मात्रा म खाद-बीज

किसान कलमू देवा ल शून्य प्रतिशत ब्याज म मिलीस खाद-बीज
सुकमा, छत्तीसगढ़ सरकार के योजना मन सरलग धरातल म उतरत हे अऊ किसान मन के जिंदगी म सकारात्मक बदलाव लात हे। ये कहानी सुकमा जिला के कोंटा विकासखंड अंतर्गत ग्राम पुनपल्ली के किसान कलमू देवा के हे, जेकर खेती किसानी अब अऊ आसान हो गए हे। सरकारी योजना मन के मदद ले ओला समय म अऊ भरपूर मात्रा म खाद अऊ बीज मिलत हे, उहू शून्य प्रतिशत ब्याज म।
कलमू देवा तीर कुल 5 एकड़ जमीन हे, जेमां ओ ह धान के खेती करत हे। वो ह बताइस के हाले म वृहताकार सेवा सहकारी समिति दुब्बाटोटा ले 2 बोरी यूरिया अऊ पहिली 6 बोरी धान बीज बिना ब्याज के लेहे हे। सहकारी समिति म सबो प्रकार के रासायनिक उर्वरक जइसे डीएपी, एनपीके, पोटाश अऊ कीटनाशक उपलब्‍ध हे, जेखर से समय म खेती शुरू हो सकत हे।
कलमू देवा ह बताइस के गांव के सबो किसान सहकारी समिति ले समय म खाद-बीज लेवत हें। पहिली खाद बर अड़बड़ परेशानी होत रहिस, फेर अब सोसायटी म रासायनिक खाद अऊ बीज के कमी नइ हे। मैं मुख्यमंत्री श्री विष्णु देव साय के हिरदे ले आभार प्रकट करत हंव, जिनकर योजना मन ले हम किसान मन ल अतका बड़ मदद मिलत हे।
जानबा हे के सुकमा जिला के कोंटा विकासखंड के 14 गांव मन के किसान ए सहकारी समिति ले लाभ लेवत हें। सरकार के ए पहल ले खेती करना अब पहिली ले कहूं जादा आसान अऊ सुलभ हो गए हे।