कीटनाशक उत्पादित करके 05 हजार 950 रूपिया के आमदनी
उत्तर बस्तर कांकेर, राज्य सरकार ह हरेली परब 28 जुलाई ले गोधन न्याय योजना के तहत गोमूत्र के खरीदी प्रांरभ करे हे। छत्तीसगढ़ गौ-मूत्र खरीदी करइया देश के पहला राज्य हे, जेन किसान अऊ पशुपालक अऊ गांव वाले मन ले दो रूपिया किलो म गोबर खरीदी के बाद अब 04 रूपिया प्रति लीटर म गौमूत्र के खरीदी घलोक करे जात हे। मुख्यमंत्री श्री भूपेश बघेल के ये पहल सही म राज्य म पशुधन के संरक्षण अऊ संवर्धन के संग ही पशुपालक के आय अऊ जैविक खेती ल बढ़ावा देना हे। राज्य म बीते दू साल म जैविक खाद के निर्माण ले जैविक खेती ल बढ़ावा मिलत हे। गौमूत्र खरीदी के मकसद गौठान मन म जैविक कीटनाशक, जीवामृत ग्रोथप्रमोटर के निर्माण करना हे, ताकि राज्य के किसान मन ल कम कीमत म जैविक कीटनाशक आसानी ले उपलब्ध कराए जा सकय।
कांकेर जिला म 09 सितमबर तक 08 हजार 860 रूपिया के दू गौठान मन म 1365 लीटर गौमूत्र के खरीदी करे गए हे। गौमूत्र ले 422 लीटर कीटनाशक उत्पादित करके 05 हजार 950 रूपिया के आय अर्जित होए। पोटगाव गौठान म 327 लीटर अऊ भिरौद के गौठान म 1038 लीटर गौमूत्र के खरीदी करे गए हे।
