राजनांदगांव म सबले जादा 28,308 मीटरिक टन धान के होइस खरीदी
धान खरीदी व्यवस्था ल सुगम बनाए खातिर उच्च स्तर म अधिकारी करत हें मॉनिटरिंग
रायपुर, राज्य म बीते दू दिन म 02 लाख 35 हजार 922 मीटरिक टन धान के समर्थन मूल्य म खरीदी होए हे। दूयेच दिन म 77,162 किसान मन ह उपार्जन केन्द्र मन म समर्थन मूल्य म अपन धान बेचे हें। धान खरीदी म राजनांदगांव जिला प्रदेश म अगुवा हे। बीते दू दिन म राजनांदगांव जिला म 28,308.68 मीटरिक टन धान के खरीदी होए हे। बेमेतरा जिला धान खरीदी के मामला म आज दूसर दिन राज्य म दूसर क्रम म हे। बेमेतरा जिला म 19,700 मीटरिक टन धान के खरीदी होए हे। समर्थन मूल्य म धान बेचे ल लेके किसान मन म उत्साह हे। उपार्जन केन्द्र मन म टोकन के आधार म किसान धान बेचे बर पहुंचत हे। मुख्यमंत्री श्री भूपेश बघेल के निर्देशानुसार खरीदी केन्द्र मन म किसान मन के सहूलियत अऊ धान खरीदी के व्यवस्था के जायजा लेहे बर वरिष्ठ प्रशासनिक अधिकारी सरलग केन्द्र मन के दौरा करत हे।
खाद्य विभाग ले मिले जानकारी के मुताबिक चालू विपणन साल म राज्य के महासमुंद जिला म अब तक 19,653 मीटरिक टन, बस्तर जिला म 982.72 मीटरिक टन, बीजापुर जिला म 249.04 मीटरिक टन, दंतेवाड़ा जिला म 40.52 मीटरिक टन, कांकेर जिला म 5 हजार 174 मीटरिक टन, कोण्डागांव जिला म 4 हजार 83 मीटरिक टन, नारायणपुर जिला म 319.24 मीटरिक टन, सुकमा जिला म 116.44 मीटरिक टन, बिलासपुर जिला म 9864 मीटरिक टन, गौरेला-पेण्ड्रा-मरवाही 1406 मीटरिक टन, जांजगीर-चांपा जिला म 3652 मीटरिक टन, कोरबा जिला म 542.88 मीटरिक टन, मुंगेली जिला म 6236 मीटरिक टन, रायगढ़ जिला म 7823 मीटरिक टन, बालोद जिला म 18,894 मीटरिक टन, बेमेतरा जिला म 19,700 मीटरिक टन, दुर्ग जिला म 14,699 मीटरिक टन, कवर्धा म 14,960 मीट्रिक टन, राजनांदगांव जिला म 28,308.68 मीटरिक टन, बलौदाबाजार जिला म 19,273 मीटरिक टन, धमतरी जिला म 14,956 मीटरिक टन, गरियाबंद जिला म 11,171 मीटरिक टन, रायपुर जिला म 18,797 मीटरिक टन, बलरामपुर जिला म 1841 मीटरिक टन, जशपुर जिला म 1682 मीटरिक टन, कोरिया जिला म 1344 मीटरिक टन, सरगुजा जिला म 4093 मीटरिक टन अऊ सूरजपुर जिला म 6060 मीटरिक टन धान के खरीदी होए हे।
