रायपुर, राज्य म खरीफ विपणन साल 2021-22 बर एक दिसम्बर ले शुरू होए धान खरीदी के बीते 10 दिन म आज संझा साढ़े छह बजे तक 4 लाख 74 हजार 381 किसान मन ले समर्थन मूल्य म 16 लाख 22 हजार 650 मीटरिक टन धान के खरीदी करे गए हे। जेन राज्य सरकार कोति ले अनुमानित खरीदी लक्ष्य के 15.45 प्रतिशत हे। किसान मन ले 2477 धान उपार्जन केन्द्र मन के माध्यम ले धान खरीदी करे जात हे। खरीदी के बाद बैंक लिकिंग व्यवस्था के तहत ए किसान मन ल 2770 करोड़ 06 लाख रूपिया के राशि मार्कफेड कोति ले अपैक्स बैंक ल भुगतान बर जारी करे गए हे।
धान खरीदी के 10वें दिन घलोक राजनांदगांव जिला प्रदेश म पहिली पायदान म हे। राजनांदगांव जिला म 1,66,817 मीटरिक टन धान के खरीदी हो गे हे। बेमेतरा जिला धान खरीदी के मामला म आज राज्य म दूसर क्रम म हे। बेमेतरा जिला म 1,25,913 मीटरिक टन धान के खरीदी के गए हे। अब तक के धान खरीदी म बलौदाबाजार जिला राज्य म तीसर स्थान म हे। बलौदाबाजार जिला म 1,22,657 मीटिरिक टन धान के खरीदी होए हे। मुख्यमंत्री श्री भूपेश बघेल के पहल म धान खरीदी के संगें-संग धान उठाव अऊ कस्टम मिलिंग के काम घलोक सरलग होवत हे। पंजीकृत 1979 मिल मन कोति ले धान उर्पाजन केन्द्र मन ले एक लाख 67 हजार 539 मीटरिक टन धान के उठाव कर ले गए हे। धान उठाव अऊ कस्टम मिलिंग बर 3 लाख 90 हजार 188 मीटरिक टन के डीओ जारी करे गए हे।
खाद्य विभाग ले मिले जानकारी के तमुाबिक चालू विपणन साल म राज्य के बस्तर जिला म 19,157 मीटरिक टन, बीजापुर जिला म 3841 मीटरिक टन, दंतेवाड़ा जिला म 641 मीटरिक टन, कांकेर जिला म 50 हजार 365 मीटरिक टन, कोण्डागांव जिला म 28 हजार 163 मीटरिक टन, नारायणपुर जिला म 2897 मीटरिक टन, सुकमा जिला म 2721 मीटरिक टन, बिलासपुर जिला म 83,451 मीटरिक टन, गौरेला-पेण्ड्रा-मरवाही 10,157 मीटरिक टन, जांजगीर-चांपा जिला म 93,905 मीटरिक टन, कोरबा जिला म 15,340 मीटरिक टन, मुंगेली जिला म 66,205 मीटरिक टन, रायगढ़ जिला म 79,496 मीटरिक टन, बालोद जिला म 1,13,132 मीटरिक टन, बेमेतरा जिला म 1,25,913 मीटरिक टन, दुर्ग जिला म 81,097 मीटरिक टन, कवर्धा म 86,085 मीट्रिक टन, राजनांदगांव जिला म 1,66,817 मीटरिक टन, बलौदाबाजार जिला म 1,22,657 मीटरिक टन, धमतरी जिला म 78,846 मीटरिक टन, गरियाबंद जिला म 62,141 मीटरिक टन, महासमुंद जिला म 1,12,457 मीटरिक टन, रायपुर जिला म 95,724 मीटरिक टन, बलरामपुर जिला म 23,808 मीटरिक टन, जशपुर जिला म 13,581 मीटरिक टन, कोरिया जिला म 16,720 मीटरिक टन, सरगुजा जिला म 26,308 मीटरिक टन अऊ सूरजपुर जिला म 41,024 मीटरिक टन धान के खरीदी हो गए हे।
राज्य म अब तक 16.23 लाख मीटरिक टन धान के खरीदी : 4.74 लाख ले जादा किसान मन ल भुगतान बर 2770.06 करोड़ रूपिया जारी
