अम्बिकापुर जिला म पंचायत मंत्री श्री टीएस सिंहदेव ह पुरकेला बायोगैस संयंत्र के करिस उद्घाटन

अम्बिकापुर, छत्तीसगढ़ शासन के पंचायत अऊ ग्रामीण विकास अऊ स्वास्थ्य अऊ परिवार कल्याण मंत्री श्री टीएस सिंहदेव ह आज लुण्ड्रा जनपद के ग्राम पंचायत पुरकेला म गोबर-धन परियोजना अंतर्गत 10 लाख 50 हजार रूपिया के लागत ले बनाए गए बायोगैस संयंत्र के फीता काटके उद्घाटन करिन। ये बेरा म लुण्ड्रा विधायक डॉ प्रीतम राम, कलेक्टर डॉ सारांश मित्तर, जिला पंचायत के मुख्यकार्यपालन अधिकारी श्री कुलदीप शर्मा, डिप्टी मेयर श्री अजय अग्रवाल, जिला पंचायत सदस्य श्री राकेश गुप्ता मौजूद रहिन। इहां बताए गीस कि ये परियोजना ले ग्राम पंचायत के 25 घर मन ल ईंधन स्वरूप दू-दू घण्टा बायोगैस प्रदाय करे जाही। बायोगैस संयंत्र के संचालन स्वच्छाग्रही समूह मन के पॉच चिन्हांकित सदस्य मन कोति ले नियमित रूप ले करे जाही।

ग्राम सभा म पारित प्रस्ताव मुताबिक ओ काम के संचालन सह क्रियान्वयन बर स्वच्छाग्राही समूह मन ल हर एक लाभान्वित परिवार ले हर महिना 2 सौ रूपिया यूजर चार्ज लेके मानदेय प्रदाय करे के निर्णय ले गए हे। बायोगैस संयंत्र ल सुचारू रूप ले चलाए बर लाभान्वित हितग्राही मन कोति ले स्वच्छाग्रही समूह मन ल नियमित गोबर दे जाही ताकि संयंत्र म जरूरत के मुताबिक समय- सयम म गोबर के पूर्ति कराए जा सकय। संलग्न समूह बायोगैस संचालन सह क्रियान्वयन संग स्वरोजगार ले जोड़त आर्थिक विकास के तरफ आगू बढ़ाए बर स्वच्छता शॉप के निर्माण तको कराए गए हे।

ये बेरा म राष्ट्रीय रूर्बन मिशन योजना अंतर्गत महामाया आजीविका ग्राम संगठन रघुनाथपुर के महिला मन ल साग भाजी व्यवसाय बर जिला पंचायत कोति ले 8 लाख रूपिया के नवा बोलेरो महिन्द्रा पिकप प्रदान करे गीस। ये बेरा म विधायक प्रतिनिधि श्री बालकृष्ण पाठक, एसडीएम अजय त्रिपाठी जनपद सीईओ श्री संजय दुबे संग आन अधिकारी अऊ बड़ संख्या म गांव वाले मन उपस्थित रहिन।

लउछरहा..