पथरिया, 25 अगस्त 2020। मुंगेली जिला के पथरिया म पूर्णिमा केंवट नाम के महिला जेन ह मानवता के मिसाल पेश करिन, उकर जतेक भी तारीफ करन कम हे। दरअसल पूर्णिमा ह एनीकट म डूबत दु लोगन के जान बचइस। एकर बर एसडीएम ह सम्मान देहे के बात कहिस। सबो मामला पथरिया के ग्राम पंचायत छिनभोग के हरे।
छिनभोग निवासी महिला पूर्णिमा केवट ह एनीकट के तेज बहाव म डूबत दु युवक ल देख के बिना कुछु सोंचे समझे ही अपन लुगरा के पल्लू सहारा म दुनो ल सुरक्षित बाहर निकाल लिस। जेकर ले जान बच गिस। उहें पथरिया ले लगे तीन गांव म लगातार तीन दिन म बाढ़ म डूबे ले 3 लोगन के मउत गे हे।
ये संबंध म पथरिया एसडीएम अनुराधा अग्रवाल ह कहिन कि महिला के हिम्मत अउ जज्बा के साथ युवक ल बचइस अपन आप म एक मिसाल कायम करे वाले बात हे। पूर्णिमा ल सम्मान देना उचित रिही। पूर्णिमा के साहस बर उच्च अधिकारी ले बात करके सम्मान दिलाय जाही.
बता देथन कि ए बेरा हर तरफ तेज बारिश के कारन ले पूरा शहर पानी-पानी हे। बारिश के चलत नदिया म आय बाढ़ चारो मुड़ा तबाही मचा रखे हे। इही बेरा म आगु के लोगन मन के मदद करना या जान बचाना, अपन साहस अउ जज्बा दिखाए ले कम नइ हे.
