राजनांदगांव, लाईट, माईक अऊ डेकोरेशन के दुकान ले श्रीमती पुष्पा सिन्हा के तकदीर बदल गए। छुरिया विकासखंड के ग्राम अरजकुंड के श्रीमती पुष्पा सिन्हा ह राज्य ग्रामीण आजीविका मिशन के तहत बिहान ले जुड़के अपन आर्थिक स्थिति ल मजबूत बनाए हे।
श्रीमती पुष्पा सिन्हा ह बताइस के मां संतोषी स्वसहायता समूह म जुड़े ले पहिली वोखर परिवार के आर्थिक स्थिति कमजोर रहिस। बिहान समूह म जुड़े के बाद वोखर जीवन म बदलाव आइस। अपन परिवार बर आजीविका के साधन जुटाए बर हिम्मत अऊ हौसला मिलीस। श्रीमती पुष्पा सिन्हा ह खुद के व्यवसाय करे के विचार करिस अऊ लाईट माईक अऊ डेकोरेशन के छोट कन दुकान के शुरूआत करिस। धीरे-धीरे समूह ले ऋण अऊ बैंक लिंकेज के माध्यम ले 1 लाख 50 हजार रूपिया लेके अपन लाईट माईक अऊ डेकोरेशन के दुकान ल बढ़ाइस। अभी हाल म लाईट माईक डेकोरेशन ले वोखर परिवार ल करीबन 4 हजार रूपिया प्रतिमाह के आय मिलत हे। जेखर से वो अपन परिवार ल सही ढंग ले चला पावत हे। श्रीमती पुष्पा सिन्हा के मुताबिक बिहान म जुड़े के बाद वोखर आर्थिक स्थिति म बहुत सुधार अऊ बदलाव होइस अऊ ओ ह आत्मनिर्भर बनिय। वो ह बताइस के ओ ह भविष्य म अच्छा घर बनाना चाहथे अऊ जमीन खरीदना चाहथे।
