पुतली बाई के पक्का मकान के सपना होइस सकार

पुतली बाई अउ परिवार वाले मन ह छत्तीसगढ़ शासन ल दिहिस धन्यवाद  
जशपुरनगर, नेहा राठौर के खबर/ कलेक्टर डॉ. रवि मित्तल के मार्गदर्शन अउ जिला पंचायत के मुख्य कार्यपालन अधिकारी श्री जितेन्द्र यादव के दिशा-निर्देश म प्रधानमंत्री अवास योजना के लाभ जिला के हितग्राहि मन ल दिए जाथ हे। प्रधानमंत्री अवास योजना के सेती जशपुर विकासखण्ड के ग्राम पंचायत आरा के निवासी पुतली बाई के पक्का मकान के सपना सकार होइस। पुतली बाई के पति के 2007 म देहांत हो गए हे।देहांत के होए ले पईसा आए के कोनो साधन नई होए के सेती पुतली बाई ब मकान बनाए ह पहाड़ खोदे ले कम बुता नई रहिस हे। हितग्राही के जुन्ना कच्चा माटी अउ खपरा वाला घर रहिस हे। पुतली बाई ह बतइस के प्रधानमंत्री अवास सूची म ओकर नाव लिखाय अउ झटकुन पक्का अवास मिले के जानकारी ग्राम पंचायत ले मिलिस त ओकर खुसी के ठिकाना नई रहिस हे
पुतली बाई के 2018-19 म अवास आवंटित होए रहिस हे। पुतली बाई ल अवास बनाए ब 1 लाख 30 हजार रूपिया मिलिस। इकर संग मनरेगा के माध्यम ले कुल 16 हजार 720 रूपिया मजदूरी भुगतान घलो मिलिस। एस.ई.सी.सी. 2011 के सर्वे सूची अउ ग्राम पंचायत के ग्राम सभा म अनुमोदन होए के गए ले पीएमएवाई ग्रामीण योजना के अनतरगत पक्का मकान मिले ह पुतली बाई ब कछु सपना असन रहिस हे। ओ ह कहिस के जब ले अवास मिले हे उंखर परिवार ह घलो अबड़ खुश हे ।आवास मिले ले पुतली बाई अउ ओकर परिवार वाले मन ह छत्तीसगढ़ शासन अउ जिला प्रशासन ल धन्यवाद दीहिस।