लइका मन ल निमोनिया ले बचाय बर पीवीसी टीकाकरण कार्यक्रम के हीरामादला ले होइस शुभांरभ

कोण्डागांव, 16 जून 2021। जिला म राज्य शासन के निर्देशानुसार स्वास्थ्य अऊ परिवार कल्याण विभाग कोति ले कलेक्टर पुषेन्द्र कुमार मीणा के निर्देशन म न्यूमोकोकल कॉन्जूगेट (पीसीवी) टीकाकरण कार्यक्रम के शुभारंभ मंगलवार के मुख्य चिकित्सा अऊ स्वास्थ्य अधिकारी डॉ टीआर कुंवर कोति ले करे गीस। एला 0 ले 01 साल तक के लइका मन ल देहे जाना हे। ये टीका ल लइका मन के नियमित टीकाकरण कार्यक्रम स्वास्थ्य विभाग म सामिल करे गए हे। ये टीका 0 ले 01 साल तक के लइका मन ल तीन चरण म लगाए जाही। जेखर पहिली टीका 06 हफ्ता पूरा होए के बाद, दूसर टीका 14 हफ्ता पूरा होए के बाद अऊ आखरी तीसरा बुस्टर टीका 09 महीना म लगाए जाना हे।