मुख्यधारा ले कटे पायतुलगुट्टा म खुलिस आंगनबाड़ी : महिला मन अऊ लइका मन मिले लगिस पोषण सुरक्षा
सुकमा, नक्सल प्रभाव के कारण कई बछर ले विकास के मुख्यधारा ले कटे कई क्षेत्र अब उलट अऊ कठिन परिस्थिति मन के बावजूद आगू बढ़े लगे हे। अतिसंवेदनशील नक्सल प्रभावित दूरस्थ इलाका मन के मनखे मन तक सुविधा पहुचाए के बड़का चुनौती अब राज्य सरकार के दृढ़ निश्चय अऊ मैदानी अमला मन के हौसला के आगू आसानी ले हल होए लगे हे। एकर एक उदाहरण सुकमा जिला के कोण्टा विकासखण्ड के नक्सल प्रभावित ग्राम पायतुलगुट्टा म आंगनबाड़ी केन्द्र के शुरूआत के रूप म आगू हे। इहां के निवासी मन ल अशिक्षा, पिछड़ेपन के सेती कई प्रकार के समस्या ले जूझना परथे, जेमां कुपोषण घलोक एक मुख्य समस्या बनके उभरे हे। कुपोषण ले लइका मन म शारीरिक अऊ मानसिक विकास सामान्य लइका मन के तुलना म कम हो जाथे। अइसन म मुख्यमंत्री श्री भूपेश बघेल के छत्तीसगढ़ ल कुपोषण मुक्त बनाए के संकल्प ले सुदूर क्षेत्र मन के महिला मन अऊ लइका मन ल सुपोषित बनाए के शुरू होए मुहिम वरदान साबित हो गए हे। एखर परिणाम स्वरूप नक्सलवाद ले पीड़ित ग्राम पायतुल गुट्टा घलोक अब कुपोषण ले जंग लड़े लगे हे।
