- -दुर्ग संभाग के कई ठन क्वारंटीन सेंटर के निरीक्षण करे पहुंचे संभागायुक्त श्री जीआर चुरेंद्र ह दीन निर्देश, ओखर कौशल संवर्धन करव अऊ निरक्षर मन ल साक्षरता के संबंध म प्रेरित करव
दुर्ग, 31 मई 2020। संभागायुक्त श्री जीआर चुरेंद्र ह काली संभाग के कई ठन क्वारंटीन केंद्र मन के निरीक्षण करिन। ओ मन बेमेतरा जिला के बेरला ब्लाक के ग्राम पंचायत सांकरा अऊ बहेरा म पहुंचिन। इहां उमन क्वारंटीन म रहत गांव वाले मन ले मिलके क्वारंटीन सेंटर म बुनियादी सुविधा मन के संबंध म जानकारी लीन। संभागायुक्त ह कहिन के इहां आप मन तीर चउदा दिन हे। एकर आप मन बेहतर तरीका ले उपयोग कर सकत हव। साक्षरता अउ कौशल संवर्धन के माध्यम ले आप मन अपन समय के बेहतरीन उपयोग कर सकत हव। एखर अलावा बारिश घलोक होवइया हे ओखर पहिली पौधरोपण के कार्यक्रम घलोक कर सकत हव। ये हरियाली आप मन के गांव म होही अऊ हमेशा बर यादगार रइही।
जानबा हे के कोविड 19 के संक्रमण ले बचाव बर बने क्वारेन्टाइन सेंटर, ग्राम पंचायत सांकरा म 24 श्रमिक अउ क्वारेन्टाइन सेंटर ग्राम पंचायत बेहरा म 58 श्रमिक क्वारेन्टाइन हे। संभागायुक्त दुर्ग संभाग ह सेंटर म उपस्थित श्रमिक मन बर उपलब्घ जरूरी सुविधा अउ भोजन आदि के व्यवस्था देखिन। संगेच निरीक्षण के समय उपस्थित अनुविभागीय दंडाधिकारी बेरला के श्रमिक मन ल आपस म फिजिकल/सोशल डिस्टेंन्स के पालन सुनिश्चित कराए अउ नियमित स्वच्छता अउ सैनिटाइजर अउ मास्क के उपयोग करे के निर्देश दीन अउ क्वारेन्टाइन सेंटर म उपस्थित श्रमिक मन ल साक्षर बनाए बर कई ठन क्रियाकलाप आयोजित करे के संगेच परिसर म वृक्षारोपण कराए के निर्देश दीन।