आबकारी विभाग के बड़का कार्यवाई : लॉकडॉउन के बेरा म दूसर राज्य के दारु लात दू मनखे पकड़ाईस

1.80 लाख कीमत के 28 पेटी दारु संग वाहन जप्त

रायपुर, 23 सितंबर 2020। छत्तीसगढ़ म लॉकडाउन ल धियान म रखत आबकारी आयुक्त रायपुर छत्तीसगढ़ श्री निरंजन दास अऊ प्रबंध संचालक छत्तीसगढ़ स्टेट मार्केटिंग कारपोरेशन श्री ए पी त्रिपाठी कोति ले आन प्रांत के मदिरा परिवहन म रोक लगाय बर आदेश देहे गए रहिस। इही कड़ी म कलेक्टर कबीरधाम श्री रमेश कुमार शर्मा के मार्गदर्शन म प्रभारी जिला आबकारी अधिकारी कबीरधाम श्री जीपीएस दर्दी के निर्देशन म आज बिहनिया मध्यप्रदेश के बालाघाट जिला  ले मदिरा परिवहन होए के सूचना मिलीस। सूचना मुताबिक तुरंत आबकारी विभाग कबीरधाम के संग सहायक जिला आबकारी अधिकारी श्री नितिन कुमार खंडूजा के निर्देशन म एक टीम ह नाका लगा के सहसपुर लोहारा पेट्रोल पंप के तिराहा म वाहन नंबर सीजी 04 एच 4977 शेवरलेट एवीओ V5  ल रोकके तलाशी लेहे म मध्यप्रदेश म विक्रय बर बने विदेशी मदिरा गोवा व्हिस्की 21 पेटी, मैकडॉवेल नंबर वन 3 पेटी, रॉयल स्टैग 3 पेटी व 1 पेटी रॉयल चैलेंज व्हिस्की  कुल 28 पेटी /252 बल्क मदिरा बरामद कर कब्जा आबकारी ह गीस। 28 पेटी जब्त मदिरा के बाजार मूल्य लगभग 180000 रुपिया हे। मौका म वाहन चालक संजय वर्मा पिता ददन वर्मा उम्र 26 साल निवासी हथखोज भिलाई 3 जिला दुर्ग अऊ एक आन मनखे विजय कुमार यादव पिता रामविलास यादव उम्र 26 साल निवासी देवादा जिला राजनांदगांव ल आबकारी अधिनियम के धारा 34(2) व 36 के तहत गिरफ्तार करे गीस अऊ रिमांड म जेल भेजे के कार्यवाही करे जात हे। कार्यवाही म कुल जब्ती ₹ 150000 के वाहन संग लगभग  ₹ 330000 के हे। ये कार्यवाही म  आबकारी उपनिरीक्षक  श्री नागेश राज श्रीवास्तव, योगेश सोनी, मनीष कुमार साहू अऊ तुलेश देशलहरें अऊ आरक्षक हेमचंद कौशिक संग ड्राइवर डायमंड साहू सामिल रहिन।