रायपुर, राज्योत्सव म लगे जनसंपर्क विभाग के स्टॉल म अभी युवा मन के दिलचस्पी के मुख्य केन्द्र क्विज प्रतियोगिता हे। छत्तीसगढ़ सरकार के नवाचारी अऊ कल्याणकारी योजना मन उपर आधारित ये क्विज प्रतियोगिता म युवा उत्साह ले सामिल होवत हें।
राजधानी रायपुर के साइंस कॉलेज परिसर म आयोजित राज्योत्सव म जनसंपर्क विभाग के स्टॉल म चलत छत्तीसगढ़ के सामान्य ज्ञान म आधारित क्विज प्रतियोगिता गोठ आप मन के अऊ हमर कार्यक्रम युवा मन बर आकर्षण के केंद्र बने हे। कई ठन प्रतियोगी परीक्षा मन के तैयारी करत युवा ये ज्ञानवर्धक प्रतियोगिता म बढ़-चढ़के हिस्सा लेवत हें।
क्विज प्रतियोगिता म आए भाटागांव निवासी श्री पुष्पराज सिंह अपन संगी मन के संग ये प्रतियोगिता म भाग लीस। वो ह बताइस कि इहां म चलत प्रतियोगिता प्रतियोगी परीक्षा मन बर अड़बड़ उपयोगी हे। क्विज प्रतियोगिता ले पढ़ईया लईका मन म बोले के डर अऊ झिझक ह दूर होवत हे। ये प्रतियोगिता म भाग लेवईया मन ल सवाल के सही जवाब देहे म पुरुस्कार घलोक वितरित करे जात हे।
क्विज प्रतियोगिता म युवा मन ह देखाइन उत्साह
