क्वान्टीफायबल डाटा आयोग के कार्यालय पीडब्ल्यूडी चौक सागौन बंगला म

रइपुर, 27 जुलाई 2021 मंगल। छत्तीसगढ़ राज्य के जनसंख्या म अन्य पिछड़ा वर्ग अउ आर्थिक रूप ले कमजोर वर्ग के​ गिनती बर छत्तीसगढ़ शासन कोति ले छत्तीसगढ़ क्वान्टीफायबल डाटा आयोग के गठन करे गे हवय। जेकर कार्यालय पी.डब्ल्यू.डी. चौक, सागौन बंगला परिसर, कटोरा तालाब, रइपुर म प्रारंभ हो चुके हे। अन्य पिछड़ा वर्ग के संख्या ले जुड़े कहूं कोनो जानकारी चाहत होही, त कार्यालयीन बेरा म ये परिसर म आके जानकारी प्रस्तुत कर सकत हे।
डाटा आयोग के निर्देश म चिप्स कोति ले वेब पोर्टल के माध्यम ले डाटा सकेले के बूता करे जाही। येकर बर अनुसूचित क्षेत्र मन म दू पंचायत उपर एक अउ मैदानी क्षेत्र मन म चार पंचायत उपर एक झिन सुपरवाईजर नियुक्त करे गे हे। ये संबंध म चिप्स कोति ले सुपरवाईजर मन बर प्रशिक्षण आज 27 जुलाई 2021 ले प्रारंभ करे गे हे । ये प्रशिक्षण ऑनलाईन करे गे हवय। प्रशिक्षण सत्र के शुभारंभ आयोग के अध्यक्ष श्री सी.एल. पटेल, सेवानिवृत्त जिला न्यायाधीश के द्वारा वर्चुअल रूप ले करे गइस । ये बेरा म आयोग के सचिव श्री बी.सी. साहू कोति ले आयोग के गठन अउ बूता मन के पृष्ठभूमि के संबंध म प्रशिक्षणार्थी मन ल नान्हेे रूप ले बताए गे हे । प्रशिक्षणार्थी मन ल वेब पोर्टल के तकनीकी मार्गदर्शन चिप्स के कन्सलटेंट श्रीमती दिव्या किरण अउ उन्कर सहयोग साथी मन के द्वारा देहे गे हे।