- राज्य सरकार के नीति मन ले ऑटोमोबाइल सेक्टर म आइस उछाल
- राडा के पदाधिकारी मन ह मुख्यमंत्री के करिन आभार व्यक्त
रायपुर, मुख्यमंत्री श्री भूपेश बघेल ले उंकर निवास कार्यायल म राडा के पदाधिकारी मन ह सौजन्य मुलाकात करिन। राज्य सरकार के नीति मन ले ऑटोमोबाइल सेक्टर म उछाल आए बर राडा के पदाधिकारी मन ह मुख्यमंत्री के आभार व्यक्त करिन। ऑटोमोबाइल के डीलर मन ह मुख्यमंत्री ल बताइन कि जिहां पूरा भारत साल म जनवरी 2019 ले अकटूबर 2019 तक गाड़ी मन के रिटेल म छत्तीसगढ़ राज्य म करीबन 25 प्रतिशत के बढ़ोत्तरी (ग्रोथ) दर्ज करे गए हे, जबकि इही अवधि म देश म ऑटोमोबाइल सेक्टर के रिटेल बिक्री म 10 प्रतिशत के गिरावट आए हे। प्रतिनिधिमंडल ह मुख्यमंत्री के आभार व्यक्त करत कहिन कि ग्रामीण अर्थव्यवस्था म बदलाव राज्य के नीति मन के सेती आए हे। आज छत्तीसगढ़ राज्य आन राज्य मन के अपेक्षा उन्नति के रस्ता म तेजी से अग्रसित हे।
सौजन्य मुलाकात के समय राडा के अध्यक्ष श्री मनीष राज सिंघानिया संग आन पदाधिकारी घलोक उपस्थित रहिन। राडा के पदाधिकारी मन ह कहिन कि मुख्यमंत्री श्री बघेल के नीति अऊ सोच के सेती किसान मन जऊन हमार प्रदेश के अर्थव्यवस्था के आधार हें, जिंकर करजा माफी अऊ 2500 रूपिया म धान खरीदे के जऊन ऐतिहासिक निर्णय लेहे गीस जेखर फलस्वरूप ग्रामीण अर्थव्यवस्था म सकारात्मक बदलाव के एक आदर्श उदाहरण छत्तीसगढ़ राज्य हे।
